ﺍﺑﻮﻣﺴﻠﻢ ﺧﻮﻻﻧﯽ، ﻫﻤﺎ ﻣﺮﺩ ﮐﻪ ﺁسا ﻧﺴﻮﺗﮏ! ﺍﺳﻮﺩ ﻋﻨﺴﯽ ﯾﮏ ﺩﺭﻭﮔﺒﻨﺪﮮ ﺍَﺕ ﮐﻪ ﯾﻤﻦَے ﻣﻠکا ﭘﯿﮕﻤﺒﺮے ﺩﺍﻭﺍﯾﯽ ﮐﺖ . ﺍﮮ ﻣﺮﺩا ﺍﺑﻮﻣﺴﻠﻢ ﺧﻮﻻﻧﯽ ﻟﻮﭨﺎﺋﯿﻨﺖ ﻭ ﺟﺴﺘﯽ ﮐﺖ : ﺁﯾﺎ ﺗﻮ ﮔﻮﺍﻫﯽ ﺩﯾﺌﮯ ﮐﻪ ﻣﺤﻤﺪ ﺍﻟﻠﻪ پاکَے ﭘﯿﮕﻤﺒﺮﺍِﻧﺖ؟ ﮔﻮﺷﺘﯽ : ﺟﯽ ﻫﻮ ﺑﻠﮑﻞ . ﭘﺪﺍ ﺟﺴﺘﯽ ﮐﺖ : ﺗﻮ ﮔﻮﺍﻫﯽ ﺩﯾﺌﮯ ﮐﻪ ﻣﻦ ﺍﻟﻠﻪ پاکَے ﭘﯿﮕﻤﺒﺮﺍﮞ؟ […]

ﺍﺑﻮﻣﺴﻠﻢ ﺧﻮﻻﻧﯽ، ﻫﻤﺎ ﻣﺮﺩ ﮐﻪ ﺁسا ﻧﺴﻮﺗﮏ!

ﺍﺳﻮﺩ ﻋﻨﺴﯽ ﯾﮏ ﺩﺭﻭﮔﺒﻨﺪﮮ ﺍَﺕ ﮐﻪ ﯾﻤﻦَے ﻣﻠکا ﭘﯿﮕﻤﺒﺮے ﺩﺍﻭﺍﯾﯽ ﮐﺖ .
ﺍﮮ ﻣﺮﺩا ﺍﺑﻮﻣﺴﻠﻢ ﺧﻮﻻﻧﯽ ﻟﻮﭨﺎﺋﯿﻨﺖ ﻭ ﺟﺴﺘﯽ ﮐﺖ : ﺁﯾﺎ ﺗﻮ ﮔﻮﺍﻫﯽ ﺩﯾﺌﮯ ﮐﻪ ﻣﺤﻤﺪ ﺍﻟﻠﻪ پاکَے ﭘﯿﮕﻤﺒﺮﺍِﻧﺖ؟
ﮔﻮﺷﺘﯽ : ﺟﯽ ﻫﻮ ﺑﻠﮑﻞ .
ﭘﺪﺍ ﺟﺴﺘﯽ ﮐﺖ : ﺗﻮ ﮔﻮﺍﻫﯽ ﺩﯾﺌﮯ ﮐﻪ ﻣﻦ ﺍﻟﻠﻪ پاکَے ﭘﯿﮕﻤﺒﺮﺍﮞ؟ ﮔﻮﺷﺘﯽ : ﻣﻨﯽ ﮔﻮﺵ ﮔﺮﺍﻥ ﺍَﻧﺖ ﻧَﺎِﺷﮑﻨﺎﮞ.
ﭘﺪﺍ ﻭﺗﯽ ﻫﻤﮯ ﺟﺴﺘﯽ ﮐﺖ ﮐﻪ ﺍﺑﻮﻣﺴﻠما ﭘﺪﺍ ﻫﻤﮯ ﺟﻮﺍﺏ ﺩﺍﺕ . ﺩﺭﻭﮔﺒﻨﺪﯾﮟ ﺍﺳﻮﺩ ﺯﻫﺮﮔﭙﺖ ﻭ ﺩﺳﺘﻮﺭﯼ ﺩﺍﺕ ﻣﺰﻧﯿﮟ ﺁﺳﮯ /ﺁﭼﺸﮯ ﺭﻭﮎ ﺑﮑﻦ ﺍَﻧﺖ . ﺁﺱ ﺍِﺵ ﺭﻭﮎ ﮐﺖ ﻭ ﺍﺑﻮﻣﺴﻠﻢ ﺍِﺵ ﺁﺋﯽ ﺗﻮﮐﺎ ﺩَﻭﺭ ﺩﺍﺕ ﺑﻠﮯ ﺍﺑﻮﻣﺴﻠﻢَے ﺟﺎنَے ﯾﮏ ﻣﻮﺩﮮ ﻫﻢ ﻧﺴُﺘﮏ !
ﺩﺭﻭﮔﺒﻨﺪﯾﮟ ﺍﺳﻮﺩا ﺳﮏ ﺑﺪ ﺁﺗﮏ ﮔﮍﺍ ﺍﺑﻮﻣﺴﻠﻤﯽ ﭼﻪ ﯾﻤنا ﺩﺭﮐﺖ . ﺍﺑﻮﻣﺴﻠﻢ ﻣﺪﯾﻨها ﺷﺖ ﮐﻪ ﻭﺍﺟﻪ ﺭﺳﻮﻝ ﺍﻟﻠﻪ ﺻﻠّﯽ ﺍﻟﻠﻪُ ﻋﻠﯿﻪِ ﻭ ﺳَﻠَّﻢ ﻧﻤﻨﺘﮓ ﺍَﺕ ﻭ ﺣﻀﺮﺕ ﺍﺑﻮﺑﮑﺮ ﺭَﺿِﯽَ ﺍﻟﻠّﻪُ ﻋَﻨْﻪُ ﺁﺋﯽ ﺟﺎﻧﺸﯿﻦ ﺍَﺕ .
ﺣﻀﺮﺕ ﻋﻤﺮ ﺭَﺿِﯽَ ﺍﻟﻠّﻪُ ﻋَﻨْﻪُ ئا ﺟﺴﺖ ﮐﺖ ﺗﻮ ﭼﻪ ﮐﺠﺎ ﭘﯿﺪﺍﮔﺌﮯ؟ ﮔﻮﺷﺘﯽ : ﭼﻪ ﯾﻤنا . ﺟﺴﺘﯽ ﮐﺖ : ﻫﻤﺎ ﻣﺮﺩَے ﻫﺎﻝ ﭼﮯ ﺑﻮﺕ ﮐﻪ ﺍﺳﻮﺩا ﺁﺱَے ﺗﻬﺎ ﺩﻭﺭ ﺩﺍﺕ ﺑﻠﮯ ﻧﺴﺘﮏ؟ ﮔﻮﺷﺘﯽ : ﺁ ﻣﺮﺩ ﻣﻨﺎﮞ .
ﺣﻀﺮﺕ ﻋﻤﺮ ﺭَﺿِﯽَ ﺍﻟﻠّﻪُ ﻋَﻨْﻪُ ئا ﺁﺋﯽ ﭘﯿﺸﺎﻧﯿﮓ ﺑﻮﺳﻪ ﺩﺍﺕ ﻭ ﺣﻀﺮﺕ ﺍﺑﻮﺑﮑﺮ ﺭَﺿِﯽَ ﺍﻟﻠّﻪُ ﻋَﻨْﻪُﺀِ ﮔﻮﺭﯼ ﺁﺭﺕ ﻭ ﭘﺮﻣﺎﺋﯿﻨﺘﯽ : ﺍﻟﻠﻪ پاکَے ﺷﮕﺮا ﮔﺮﺍﮞ ﮐﻪ ﻣﻨﯽ ﺯﻧﺪﮒ ﮐﺖ ﺗﺎ ﮐﻪ ﻣﻦ ﺍﮮ ﺍﻣﺖَے ﺗﻬﺎ ﺣﻀﺮﺕ ﺍﺑﺮﺍﻫﯿﻢ ﻋﻠﯿﻪ ﺍﻟﺴﻼﻡَے ﻭﮌﯾﮟ ﻣﺮﺩﻣﮯ ﺩﯾﺖ .

ﺳﺮﭼﻤﮓ : ﺍﻟﺒﺪﺍﯾﺔ ﻭ ﺍﻟﻨﻬﺎﯾﺔ، ﺍﺑﻦ ﮐﺜﯿﺮ
ﺭﺟﺎﻧﮑﺎﺭ : ﻣﺤﻤﺪ ﺁﺳﮑﺎﻧﯽ