دوشی درائیں بُلبُلاں چَرز و چَلول و شانتُلاں ھر جا ماں سرسبزیں گُلاں آواز ونتگ چہ دلاں بلغ العُلی بکمالہ شوانگ گوں میشانی رمگ دھگاں ماں شھرانی دمگ ورنای و پیرانی گَلَگ ھوری گوشنت انت یاالگ کشف الدجی بجمالہ روژنائیں روچ و شپ تھار ڈکّالَے موسم یا بھار ماھم کنین صلوات و جار ذکرِ نبیِّ […]


دوشی درائیں بُلبُلاں
چَرز و چَلول و شانتُلاں
ھر جا ماں سرسبزیں گُلاں
آواز ونتگ چہ دلاں
بلغ العُلی بکمالہ

شوانگ گوں میشانی رمگ
دھگاں ماں شھرانی دمگ
ورنای و پیرانی گَلَگ
ھوری گوشنت انت یاالگ
کشف الدجی بجمالہ

روژنائیں روچ و شپ تھار
ڈکّالَے موسم یا بھار
ماھم کنین صلوات و جار
ذکرِ نبیِّ تاجدار
حَسُنَتْ جَمیعُ خِصَالِہ

ساساں غریب بیچارگیں
مھرا تئی دلوارگیں
روچ و شپان و نارگیں
درود و سلامے یارگیں
صَلُّوا عَلَیہِ و آلِہ

لچهکار: محمد رحیم ساسان