عین العلوم گُشتَے پجار

دسته: بلوچی , هؤر و تؤر
بدون دیدگاه
چهارشنبه - 17 فوریه 2021

مدرسہَے بُنگیج

اے وانَگجاہَے بُندات کَنوک مرحوم واجہ مولانا شاہ عبدالواحد گُشتی رحمہ اللہ اِنت. ماں ۱۳۵۷ھ ق  سالا اے دربرجاہَے سرمستری نمیرانیں شیخ الحدیث واجہ مولانا محمد یوسف رحمہ اللہ کَنَگ بوتگ، گوں شیخ الحدیثَے پاگواجھیا اے دربرجاہ روچ پہ روچ دیمروی کَناں بوت داں پہ اے جاھا سَربوتَگ.

عین العلومَے جاور واجہ حضرت صاحبَے زمانگا

حضرت صاحبا وتی وھدا درسَے وانینَگا ماں گُشتی جامعہَے مسجدا کہ وت آئی بُن ھِشت ایر کَنوکَت بُندات کُت پدا واجَہ دو دانَگ گِلی کوٹے بَندیت داں وھدے کہ حضرت صاحب ماں گُشتا بیت مدرسہ ھمیش بیت.

عین العلومَے اولی نودربراں

گوں اے وانَگجاہَے بَنگیج بِیَگا گیشتریں مردم پہ دینَے یاد گِرَگا ھَمِدا کاینت و وتی دینا چہ واجہ حضرت صاحبا یاد گِرَنت بلے نودربرانے کہ شپ و روچ ادا مانوک بَنت ۲۰یا۳۰نفربَنت.

اولی کسانے کہ چہ اے زانتجاھا پاگ اِش بَستَگ

ماں۱۳۶۱و۱۳۶۲ھ ق سالا واجہ مولانا عبدالصمد دھقانزھیاصحاح ستہ، حضرت صاحبَے گورا ونت و آسَر کُت و ماں ۱۳۷۲سالا دو نفر دگہ چہ حضرت صاحبَے شاگرداں کہ نام اِش: مولوی داد رحمان ایرندگانی و مولوی ابوالحسن حسین بُر انت وتی دینی وانَگ ھلاس کُت.

مدرسہَے  جاور گوں نوکیں پاگواجھا

رند چہ اشی کہ واجہ شیخ الحدیث مولانا محمد یوسف حسین پور رحمہ اللہ چہ پاکستانا کَیت آئی ناکو مرحوم حضرت صاحب، عین العلوم گُشتَے سرمستریّا آ‏ئیا دَنت و وت دیم پہ حق آبادا رَوت. ھَنّوں ماں اے وانَگجاھا ۳۰اُستادا گیش مَردیں آدم ھزمت کَنَگ اِنت. اے وانگجاہَے سَے بُنی بُنیاد اَنت: شمالَے نیمَگا کہ دو طبقہ و ۲۴ کوٹی اِنت کہ چیری طبقہ وابجاہ و سَری طبقہ طالبانی کلاس اَنت. دومی بِنا کہ ۱۰کوٹے اَنت درستاں وابجاہ اَنت و سَیمی بِنا چارطبقہ اِنت کہ چیری طبقہ دارالمطالعہ و مدرسہَے ادارہ جاہ اَنت و آ دگہ سَئیں طبق نودربرانی وابجاہ اَنت.

عین العلوم گُشتَے مَزَنیں واجہ اِش اَنت:

۱-امام سید مولانا شاہ عبدالواحد گُشتی مشھور پہ حضرت صاحب وانگجاہَے بُندات کَنوک. ۲-وانَگجاہَے دومی پاگواجہ شیخ الحدیث مولانا محمد یوسف حسین پور۳-شیخ الحدیث مولانا محمد دھقان وانگجاہَے پیشیگیں ناظم.۴-واجہ مولانا محمدانورملازھی۵- عین العلومَے پیشیگیں مالی مسئول و دارالافتایَے پیشیگیں سرمستر واجہ مفتی خالد۶-مولا ابو الحسن حسین بُر۷-مولانا محمد عثمان بارانزھی۸-مولانا فیض محمد حسین بُر۹-مولانا محمد عیسی سیدی پور،دارالتوحید اسفندکَے سرمستر وھمودَے آدینگَے امام. ۱۰- مولانا عبدالقادر سیدزادہ ۱۱-بلوچی زبانَے ادیب و زانتکار و شاعر و قلمکار و دینَے مزنیں رھدربر و عین العلوم گُشتَے ھنیگیں پاگواجہ و نمیرانیں شیخ الحدیث میولانا محمد یوسف حسین پورَے نیکیں پُشپَد واجہ مولانا عبدالکریم راجی۱۲-مولانا محمد علم حسین بُر کراچی و مدینہَے شھدربرجاہَے فارغ التحصیل. ۱۳- مولانا عبدالقادر دھقان۱۴- استاد سید مولانا عبدالحکیم سید زادہ سراوان سرجویَے دینی وانگجاہَے پاگواجہ و عین العلوم گُشتَے مجلس علمی یَے سرمستر و حضرت صاحبَے نیکیں پُشپَد و عین العلوم گُشتَے دینی شھدربرجاھَے ھنیگیں ناظم.

ماں اے وانگجاھا برابر گوں شورای ھماھنگی اھل سُنتَے رھبندا درس دَیَگَ بیت کہ اے شورا یَے اَڈّ کَنوک ھم واجہ شیخ الحدیث رحمہ اللہ بوتَگ.

اے زانتجاہَے شعبہ اش اَنت:

دار الافتاء، مجلس علمی، سُنت آنلاینَے سایت کہ گوں سَے زبانا ادا کار کَنَگ بیت: بلوچی و فارسی و عربی، تخصص فی الفقہ اسلامی دو سال و تخصص فی الحدیث ھم دو سال وانینَگَ بَنت، خدیجة الکبری یَے مکتب پہ جنیں آدماں، شعبہ حفظ کہ وت سَے بھرَے تھا اِنت، دعوت و تبلیغَے جاگاہ،کتابجاہ کہ گیش چہ ۱۰ھزار کتابی مان اِنت، شَپا  فرھَنگیانی  درس و تعلیم، مدرسہَے حسابداری و مالی کار و باراں ، دبیرَےجاگاہ و دگہ بازیں دَور  و بَری مَکتب کہ گوں  اے وانگجاہَے سَرمستریّا کار کَنَنت.

اے وانَگجاہَے شپ و روچیں نودربر کہ اودا اَنت چہ ۶۰۰نفرا گیشَنت و گیشتریں نودربر ھم چہ ایرانَے اھلسنتَے ھَند و شھران اَنت. ھر سال چہ اے زانتجاھا ۶۰نفر کم و گیش پاگ بندیت و اے وانگجاہ چہ روچے کہ بَندَگ بوتَگ و داں مروچی کم و گیش ۸۰۰۰نفرفارغ التحصیل و اسلامی مُلک و سرڈَگارا سُپُرد کُتَگ.

دعا اش اِنت کہ داں جھاں ھست اے زانتجاہ ببات و دیما رَوان بِکَنات.

محمد حملی


نوشته شده توسط:سنت آنلاین - 1231 مطلب
پرینت اشتراک گذاری در فیسبوک اشتراک گذاری در توییتر اشتراک گذاری در گوگل پلاس
بازدید: ۶
برچسب ها:
دیدگاه ها