لچہ/ شعر

دسته: بلوچی , شعر
بدون دیدگاه
یکشنبه - 1 آگوست 2021

کدی بیت درکپ ایت دنزان سوارے
دلیرے پرمڑاھے سرمچارے

دمانے دم بہ دنت دمبُرتگیناں
چہ پردردین دلے زیر ایت غبارے

چگردے چوٹکے کش ایت چہ پادا
نزورینان جنت دستے پہ بارے

منا یک دلجمین قولے بدئے یار
کہ جَورین دشمنان بستگ قرارے

جھان آشوب کتگ گرک و شغالان
کدی بیت جہ بہ جنت مستین مزارے

کشار خشک اِنت و اے سوتکگ لواران
کدی بیت جمبران گرند توارے

کدی جو آن تنک و منتگینان
سرا ملّان کنت طوفان و ھارے

مزن پاگان گپ اِنت مفتا کدی بیت
کہ لہ جنت سردرا یک مردکارے

مدد ائے خضر یار رہ شموشان
کہ رہ مئے گار و اشتر بےمھارے

چہ اے خاموشییان زردوں ملور اِنت
کدی بیت ھا و ھو و گیر و دارے

میاریگ اِنت پہ سرگردانیا پور
کہ لٹ ھر چے بہ کنت آ بےمیارے

مُج اِنت ھر نیمگا دنیا کدی بیت
سرے کش ایت چہ گردان شھسوارے

شاعــر: مولانا الحاج محمد عبداللّہ روان بد رحمه الله


نوشته شده توسط:سنت آنلاین - 1216 مطلب
پرینت اشتراک گذاری در فیسبوک اشتراک گذاری در توییتر اشتراک گذاری در گوگل پلاس
بازدید: ۳
برچسب ها: