امام ابوحنیفہ رحمہ اللہ ءِ تیزین و بے دَروَریں پسو

دسته: امام ابوحنیفه رحمه الله , بلوچی
بدون دیدگاه
شنبه - 13 فوریه 2021

یکے چہ امام رحمہ اللہ ءِ بدواھشاں چہ امام صاحبا جُست کَنت: کسے کہ بَھشتَے لوٹوک نَھِنت، و چہ جھنمَے آسا نَتُرسیت، چہ اللہ پاکا ھم نَتُرسیت، مُرداریں گوشت وارت، نمازا بے رکوع و سجدھا وانیت، پہ چیزے کہ آئیا ندیتَگ گواھے دَنت، چہ حقا نفرت کنوک اِنت، فتنہ یاں دوست داریت، چہ رَحمَتَے دیما تَچوک اِنت و نصارای و یَھودَے مَنّوک اِنت، اے وَڑیں مَردُمَے بابتا شُمۓ لیکہ و باور چے اِنت؟
امام ابوحنیفہ رحمہ اللہ گوشیت: آیا تو پکّائیں مَردمے بابتا جُست کَنَگَے؟( کہ چُشیں مَردمے تو دیتگ و آئیا زانَے یا تئی جُست ھُچشیں چَکّیں جُستے؟)آئیا گوشت: انا، خاصیں مَردُمے بابتا جُست نَہ گِرَگاں البت مَن چہ اے پیمیں مَردما گَندتِریں مردم جھانا نَگِندَگاں اے بابتا شمارا جُست کَنَگاں کہ شما چے گوش اِت؟
امام رحمہ اللہ دیم پہ وتی دوستاں کُت و گوشتی: شما اے پیمیں مَردمَے بابتا چے گوش اِت؟ آیاں گوشت: میۓ خیالا اے مَردم جھانَے بَدتِریں مَردم اِنت، چیا کہ اے صفات کافرَے صفات اَنت!
رندا امام رحمہ اللہ لُزھَند کُت و گوشتی: اے مَردُم کہ تو گوں اے صفتاں چہ آئیا یاد کُت، چہ اللہ پاکَے گِھتِرریں دوستان اِنت؛ بَلے اگہ مَن پہ تو ثابت بِکَناں کہ اے مَرد اللہ پاکَے ولی و دوست اِنت، آیا وتی زبانا چہ منی بَدگوئیّا لَگام کَنَے و کرام الکاتبینا چِد و گیشتر زَحمت وار نَکَنَے کہ پہ تو بَدی یادداشت بِکَنَنت کہ آسرالا تو تاوان بار بَے؟! مَردا گوشت: جی ھَو! گُڑا امام صاحبا گوشت: آ مَردم کہ شما گوشت، آچہ آ روچے کہ پَروردِگارَے تَلوَسوک اِنت پہ بَھشتا نہ تلوَسیت، چہ جھنَمَے زِراب دَیوکیں آسا بیمناک نَھِنت چیا کہ چہ آسَے واھُندا بیمناک اِنت، و چہ اللہ پاکا نَتُرسیت بِزاں آ چہ اللہ پاکَے ظلم و نا انصافیا نَتُرسیت( دلجم انت کہ اللہ پاک وتی پادشاھیا آئی سرا ھِج رَنگیں سِتَمے نَکَنت)مُردارَے گوشت کہ ماھیکَے گوشت اِنت وارتی چیا کہ حلال و پاک اِنت، نماز بے سُجدہ و رکوعا وانیت آ جنازھَے نمازِانت یا کہ”صلاۃ” درود شَریف اِنت کہ پہ رسول اللہ صلی اللہ علیہ و سلَّما وانیت، گواھی پہ چیزے کہ نَدیتَّگی دَنت اِنت آ گواھی دَیَگ اِنت پہ اللہ پاکَے یَگانَگی و رَسول اللہ صلی اللہ علیہ وَسَلَّمَے پَیغمبَریّا ماں حالے کہ ھر دوئیں آئیا نَدیتَکگنت، چہ حقا کہ نفرتی ھَست آ حق مَرگ اِنت آئیا نفرت کیت چیا کہ لوٹیت گیشتر اللہ پاکا عبادت بِکَنت، آئیا فتنہ دوست آِنت، فتنہ چُک و مال اَنت( قرآن گوشیت: اِنَّما اموالُکُم وَ اَولادُکُم فِتنَۃ بزاں شمیۓ مال و چُک پہ شما چکاسے اَنت) چہ رَحمَتَے دیما تَچوک اِنت آ رَحمَت ھَوراِنت تَچیت داں تَرّ مَبیت، یھودیاں مَنّیت بزاں آیانی اے گپا تصدیق کَنت:{لَیسَت النّصاری عَلَی شَیئٍ} و نصارای و مَسیحیانا ادا مَنّیت کہ آ گوشَگَنت: {لَیسَتِ الیَھُودُ عَلَ شَیئٍ}، اِدا اَت کہ آ مَرد چہ امام رحمہ اللہ ءِ تیزین و بے مَٹّیں پَسَّوا حیران بیت و گوشتی: مَن گواھے دَیاں کہ تو حق و حقیقت و مادنیں راھَے سرا رَوگ و گام جَنانَے.

سرچمگ: الخیرات الحسان فی مناقب الامام الاعظم ابی حنیفه النعمان
رجانک: هَمُنتِی


نوشته شده توسط:سنت آنلاین - 1231 مطلب
پرینت اشتراک گذاری در فیسبوک اشتراک گذاری در توییتر اشتراک گذاری در گوگل پلاس
بازدید: ۹
برچسب ها:
دیدگاه ها