سنت آنلاین

المؤمن غِرٌّ کریم و الفاجر خَبّ لَئیمٌ

رجانک:
رسول الله صلی الله علیه و سلم گوشیت: مومن و مسلمان ساده و بزرگوار اِنت و فاسق دوکه باز و پَست انت.

شرح:
غِرٌّ، بزاں هما که فریبکار و مکارے مبیت، بزاں مؤمنَے جبین زیبناک اِنت; چیا که فریبکارے نهنت، و چه بَدی و شِرّیّاں خبردار نهنت چیا که آئیا کارانی لاپا تجربه نکتگ و دلانی رازان و وت مَنِّیاں نزانت، و مؤمنَے دل سالم و صاف انت و په مردماں گُمانی نیک انت.
و اے چیز مومنَے نابزانتی گوشگ و زانگ نبنت، بلکیں اے واستا اَنت که آ کریم و بزرگوارے، و اے چیز هم دنیایَے کارانی تها و وتی جِندَے حقوقَے بابتا اَنت، البت آخرتَے بابتا آ بیدار و
آگاه انت، وتی دینَے شَرکَنَگا گُلائیش انت و په آخرتا توشگ، نزّ آروک انت.
با اے وجودا پدا هم پیغمبرا گوشتگ: (مؤمن چه یک هونڈے دو بر تِج جَنَگَ نبیت)، بزاں په مومنا شَر نهنت که مدام دوکه بوارت، اے حدیث په مومنا یک درسے زانگ بیت.

“خَبٌّ”: بزاں فریبکار و دوکه دیوک، هما کس که مردمانی میانا فساد جوڑ کنت.
“لَئیم”: کسے که گوں “کَریم” ء گالا دگری داریت. بزاں لئیم ضد کریم اِنت.

سرچمگ: زاد الطالبین مع حاشیته مزاد الراغبین