سنت آنلاین

اذ قال الله یا عیسی إنّی متوفّیك و رافعك إلی و مطهّرك من الذین كفروا و جاعل الذین اتّبعوك فوق الذین كفروا الی یوم القیامة ثمّ إلی مرجعكم فأحكم بینكم فیما كنتم فیه تختلفون (۵۵). آل عمران

مُتَوَفّیک ءِ بزانت:

اے گال ماں قرآنا مھتر عیسی علیه السلامَے بابتا کارمَرز بیتَگ. بزانتی اِش اِنت: کہ مَن تئی کاملین و سَرجمیں گِروک و بَروکاں ( مَن ترا کاملا گِران و بَراں) وَ رَافِعُکَ کہ رند چہ اے گالا آتکَگ آئی بزانت اِش اِنت: کہ مَن تَرا بُرزا بَراں. ھَنگتا عربی زبانا مُتَوَفّیکَ پہ ھمے بزانتا کہ گوشَگ بوت کارمَرز بیت . اگہ مَردے وَتی واما چہ وامدارے بگیرت گوشَنت: وَفَّا دَینَه بزاں وتی وامی کامِل گِپت.

کامِلیں گِرَگَے بزانت:

اش اِنت: کہ مَن ترا گوں تئی جسم و ساھا(روحا) پہ آسمانان بَراں، مُردَگاں کامِل گِرَگ نبیتَگَنت چیا کہ مُردَگانی ساہ کَشَّگ بیتَگ بلے آیانی جسم ماں خاکاں ھَوار ترّینَگ بیتَگ البت مُردگان پہ مُجاز متوفی گوشت کنیں بلے حقیقت آ متوفی نَھَنت.