راجدفتر/ تاریخ، سِب

دسته: بلوچی , هؤر و تؤر
بدون دیدگاه
پنج‌شنبه - 9 سپتامبر 2021


سِبَے کوَھنیں کلات

سبَے کلات چه ایرانَے زیبدار و کوهن و بُرزیں کلاتان انت.
اے کلات ماں سب و سورانا انت و آئی دوری چه زاھدانا ۳۸۴ پند( کیلومتر) انت. که سال ۱۳۷۵ گوں ۱۷۱۵ ئے لمبرا ماں ایرانَے ملی میراثاں شمار کنگ بوتگ.

 کلاتَے کوَھنی:
اے کلات گوں صفویاں ھم دور و باریگ انت، و تاں ھنوں سے۳ بر کلاتَے خرابیاں نوک کنگ بوتگ انت.

جوڑشت/ بنا:
ابید چه ایشیا که اے کلات یکے چه براھدارتریں کلاتان انت که چه اسلامی دور و باریگا پشکپتگ، اچ مُھری و جوانیں جاه و جنگی جوڑشتَے بابتا ھم بے درور انت.
اِے کمیں گپے نه انت یک کلاتے تهنا چه ھامگیں ھشت و گِل جوڑ کنگ به بیت و اینچکیں سالانی تھا بلوچستانَے گرمانَے ترُندیں هَوراں به سگ ایت.
یک زِردالے چه کلاتَے مُھری ءِ بابتا ایش انت که: په آئی جوڑ کنگا بازیں توتری یے کارمرز بوتگ که نایاپتیں بوٹگے.
اِے برزیں کلات هما وڑ مُھر انت که ترندیں زمین چنڈاں ھم آئیا خراب نه کرتگ البت کلاتَے دیوالَے یک متری بُندات و مُھریں مَچّی کنٹاں که ماں آئی سهما کارمرز بوتگ انت هم نام گرگ لوٹ انت.
اے کلات چشیں جاھے اڈ کنگ بوتگ که چه هر نیمگا دانکه ۱۵ پَند(کیلومتر) آئی دیدپانانی چمَے چیرا انت.
کلاتَے جنگی جوڑشت ھم بے درور انت کلاتَے پھکیں کِرّ و گوشگاں تیر کَش ھست کلاتا چشیں جاھے نیست که چه تیرکشانی دیدا چه ڈن به بیت.
کلاتَے برزی سی۳۰ متر انت گیشتریں برزی بارریچا انت که گوں خاک یک جُمپے سرا ریچگ بوتگ اِے بارریچَے تھا یک تَنکراھے اچ جَھل دانکه برزا هست گڑا دو طبق کلات ایشی سرا بندگ بوتگ.
اولیں طبقه شش ٹوه و کسانیں کوٹی هست ھر کوٹیا چنت دریگ مان انت.
کلاتَے تھا دیوانجاه، کنورجاه،چات، تندور، امبار و جنینی و مردینی دیمشود ھست.
جَهل چه کلاتا هم بازیں کوٹی یے ھست که آ ھم گیشتر دو طبقه انت که حاکمَے سیاد و قوم و غلام و کاردارانی لوگ، امبار، بندیگانه و اولاکانی بندجاه ھمودان انت.
ڈن چه کلاتا حاکمَے باغ بوتگ که ھنوں اچ باغا چیزے نه منتگ.

رجانک: دودا بلوچ


نوشته شده توسط:سنت آنلاین - 1222 مطلب
پرینت اشتراک گذاری در فیسبوک اشتراک گذاری در توییتر اشتراک گذاری در گوگل پلاس
بازدید: ۴
برچسب ها:
دیدگاه ها