سنت آنلاین

رجبَے ماه ماں رسول‌خدا صلى الله علیه وسلمَے زندالا، خاصیں اهمیتے داروک انت. گوں اے ماهَے نوکَے گندگا روچگَے ماه /رمضانَے ماهَے یاد و ترانگ ماں دلاں نوک بیت

همے بابتا رسول الله صلى الله علیه وسلم گوں رجبَے ماه ءِ پتَّرَے دَور دیگا دعاء کُت: «ﺍﻟﻠَّﻬُﻢَّ ﺑَﺎﺭِﻙْ ﻟَﻨَﺎ ﻓِﻲ ﺭَﺟَﺐٍ، ﻭَﺷَﻌْﺒَﺎﻥَ، ﻭَﺑَﻠِّﻐْﻨَﺎ ﺭَﻣَﻀَﺎﻥَ»؛ اے الله! رجب و شعبانَے ماهاں په ما پُر برکتیں ماه بکن و ما را په رمضانَے ماها سَر بکَن.

بلے! رجبَے ماه اولی ماه چه حرامَے ماهان انت، واجه عمر همے ماها عُمره کنگا گهتر زانت. و عبدالله بن عمر و مومنانی مات بی بی عایشه همے ماها په کعبة الله و مکه ۓ چارگا شُتنت.

و برابر گوں واجه امام ابن سیرین علیه الرحمة ۓگپا، امتَے گوستگیں نیکینانی داب همے بوتگ.

ابوبکر ورّاق همے بابتا گوشیت: «رجبَے ماه کِشت و کِشارَے ماه انت و شعبانَے ماه آپ مینَے ماه انت و رمضانَے ماه رون و موش انت.»

علامه ابن‌رجب حنبلی گوستگیں حدیثَے گیشوار کنگَے بابتا نبیسیت: اے حدیث مٌهریں منانکے/دلیلے، په اشی که انسان دعا بکنت داں پر برکت و پر فضیلتیں درگت و وهدانی کَٹّگا زندگ بمانیت، تا انسان ماں آ درگتاں گیشتر نیکیں کار و بار بکنت.

گوستگیں نیکیں مردماں واهگدارتنت که رند چه نیکیں کارانی کنگا چُش که رمضانَے روچگَے گرگا پد ، بِمِرانت و آیانی باور اش اَت: که هر کسے رند چه اے پیمیں روچاں بمریت پَهِل و معاف کنگ بیت.

همے بابتا آیانی گیشتریں جهد هَمِشَت که په چشیں ماهان و جاهاں سر بِبَنت هما ڈولے که مُعلّی بن فضل گوشیت:

«امتَے گوستگیں نیکیں مردماں شَش ماها پیسر چه رمضانا دعا لوٹِتِش که الله پاک آیانا په رمضانا سر بکنت و شش ماه دگه رند چه رمضانَے ماها دعایِش کُت که آیانی کُتگیں عبادت الله پاکَے درگاها مَنَّگ/ قبول، بِبَنت.»

و یکے چه آیانی دعایاں اِش انت:

«اللّٰهُمَّ سَلِّمنِی إلیٰ رَمضانَ وَسَلِّمْ لِی رَمضانَ وَتَسَلَّمْهُ مِنِّی مُتَقَبَّلا.»

اے الله منا په رمضانا و رمضانا په من سالم و سلامت بکن، و رمضانا چه منی نیمگا ماں آ حالتا تحویل بگر که تو چه من قبول کُتگ.

رجانک: هَمُنتِی.