محرم الحرام ۔اسلامی راجدپتر ئے نگاہاں

دسته: بلوچی , زندال , هؤر و تؤر
بدون دیدگاه
چهارشنبه - 11 آگوست 2021

محرم الحرام اسلامی راجدپترئے تہا اولی اسلامی ماہ انت کہ سالَے بنگیج بیت، اے چہ ہما ماہاں یکے کہ آہاں اللہ پاکا فضیلت و شرف داتگ، چوکہ قرآن پاک ئے سورہ توبہ تہا اللہ پاک گوش ایت! ‘’بیشک ماہانی حساب و داد اللہ ئے گورا ہمیش انت کہ آ دوازدہ ماہ انت ماں اللہ ئے کتابا چہ ہماروچا کہ آھی جوڈکتگ انت، آزمان و زمین چہ آیاں چار حرمتَے ماہ انت، ہمیش انت راستین و محکمیں دین، نوں نا انصافی مکن ات اے ماہانی تہا وتی جندانی سرا، ‘’[[سورۃ التوبہ آیت نمبر ۳۶ /‌تفسیر بلوچی واجہ مولانا عبدالغفار زامرانی رحمہ اللہ ]‌]
چاریں ماہ کہ حرمت ماہ گشگ بوتگ انت آہانی نام ایش انت۔
ذوالقعدۃ ۔
 ذوالحجہ ۔
 محرم ۔
 رجب ۔
اے ماھانی تھا محرم الحرام ہما ماہ انت کہ ایشی اولی روچا مسلمانانی دومی خلیفہ امیرالمؤمنین عمر بن الخطاب رضي اللہ عنہ شہیدکنگ بوت، بزاں سیدناعمر رضي اللہ عنہ سرا ۲۷ ذوالحجہ ئا ابولؤلو فیروزمجوسی [‌زانگ بہ بیت کہ ابولؤلؤفیروزمجوسی قبر ماں ایرانا انت و حکومت سروکیا ایشی قبر یک مزنیں زیارتے جوڈبوتگ مھلوک ایشیا پہ شوق چارانت وخاصکار روافض ایشیا باز احترام دینت]ارش کنت و ۱محرم الحراما سیدناعمر رضي اللہ عنہ چہ ٹپانی سببا چہ جھانا رؤت۔
سیدنا عمر رضي اللہ عنہ یک مزن جگر و مزن نامیں خلیفہ ئے بوتگ، بازیں ملک فتح کتگ انت و دین اسلام شنگ و تالان کتگ، دنیائے نیم سرا آھی زمانگا اسلامی حکمرانی بوتگ، وتی خلافت وھدا آھی بازیں جوانیں کارکتگ، آھی بابتا واجہ محمد صلی اللہ علیہ وسلما گشت: ‘’چہ منا پد اگاں دگہ نبی بہ بوتین گڈا سیدنا عمر رضي اللہ عنہ بوتگ ات ‘’
عمر رضی اللہ عنہ ماں تقویٰ و عاجزیا باز نامدار بوتگ، آھی بیم و ترس ھوں کافرانی دلا باز نشتگ، آئی بابتا کیت ‘’ہماراہا عمر رضي اللہ عنہ گوستگ چہ آراہا شیطان نہ گوستگ۔
برحال اسلام ئے اے مزن نامیں خلیفہ ئے بابتا ھر پیم من نبشتہ بکناں سک کم انت و منی دانک ھچ بستار ندار انت بس یک کسانیں عکسی ندارگَے من شمارا پیشدارگ ئے جھد کت۔

یلان زامرانی ۔


نوشته شده توسط:سنت آنلاین - 1231 مطلب
پرینت اشتراک گذاری در فیسبوک اشتراک گذاری در توییتر اشتراک گذاری در گوگل پلاس
بازدید: ۴
برچسب ها:
دیدگاه ها