نمازانی رکعتان

دسته: احکام , بلوچی
بدون دیدگاه
شنبه - 31 جولای 2021

فرضی نمازانی رکعتاں ھفدہ دانگَنت:
سُھبَے نماز دو رکعت انت؛
پیشینَے نماز چار رکعت انت؛
دیگرَے نماز چار رکعت انت؛
شامَے نماز سَے رکعت انت
وپتنَے نماز ھم چار رکعت اِنتـ.

سُنتانی رکعتاں
سُنّتاں دوازدہ رکعت انت:
دو رکعت سُھبَے نمازا پیسر؛
چار رکعت پیشنَے نمازا پیسر؛
دو رکعت پیشنَے نمازا پَد؛
دو رکعت رند چہ شامَے نمازا
دو رکعت چہ وپتنَے نمازا پَد و اے سُنّتانا “رواتب”و “سُنَن موکدہ” گوشنتـ.

نماز جماعت
نماز گوں جماعتا سُنت موکدہ انت، بلے لھتے چہ اماماں گوشتگ: کہ نماز گوں جماعتا فرض عین انت و لھتے گوشتگ: کہ فرض کفایت انتـ
گوں اے عُذرانی ِبیَگا نمازوالا توانت کہ نماز جماعتا بَھر مَزوریت:
۱-بازیں ھَور و سردے موسما و تھار و ژیمبیں شپاں کہ گوات ھم کَشّیت.
۲-ترس چہ زوراکے کہ پہ مال و جانا زَلَرَ دات، یا ترسیت کہ پہ جماعتَے نمازا بِرَوت …
امامت
پہ امام بِیَگاکَے لائق انت؟
اے بابتا رسول الله گوشیت: نماز وانوکانی امام ھما کَس ببیت کہ چہ درائیناں قاری تِراِنت اگہ پَھکاں ماں قرآنَے وانَگا بَرابرتَنت گُڑا ھما کَس امام ببیت کہ چہ سُنَّتا گیشتِر سَرپد اِنت، اگہ ماں اے چیزا ھم برابرتَنت گُڑا ھما کَس امام ببیت کہ ماں ھِجرتا دیما تِراِنت و اگہ ماں ھِجرَتا بَربَرتَنت گُڑا ھما کَس امام ببیت کہ پیسر تِر مسلمان بوتَگ و ھِچ مردیا اے حق نیست کہ ماں دگہ مردے ھَنکینا امام ببیت و نباید ماں دگہ مردے لوگا آئی خاصّیں فرش و جاہَے سرا بِنِندیت.

شرطانے کہ پہ امامتا لازم اَنت:
۱-مُسلمان بِیَگ، کافرَے پُشتا نمازَے وانَگ رَوا نَھِنت.
۲-امام بالغیں مَردے ببیت.
۳-امام مردیں آدمے ببیت.
۴-اماما هِچ وڑیں عُذرے مَبیت (سلسل البول ووو).
۵-امامَے حالت چہ مُقتدیاں گِھتر ببیت یا کہ ماں یک حالتے بِبَنت، امام بیسواد و بے عِلمے مبیت.

مُقتدے شرطاں
۱-مقتدی اے نیتا بکنت کہ من پُشت اماما نماز واناں.
۲-مُقتدی چہ اماما دیمتِر مہ اوشتیت.
۳-ماں امام و مُقتدے نمازا دگری مَبیت بزاں چُش مَبیت کہ امام دگہ نمازے بوانیت و مُقتدی دگرے.
۴-امام وتی پَشکپتگینے(مَسبوقے) مَبیت.
۵-امام و مقتدی حُکْماً ماں یکجاھے بوشتنت، چُش مَبیت کہ مقتدی و امامَے میانجیا دو صفَے اندازَگا شَمَگ ببیت.
۶-اگہ اماما چُشیں کارے کُت کہ ماں مُقتدے مَذھبا چہ آ کارَے کَنَگا نماز پُرشیت پہ درور چہ امامَے جانا خونے رُمب اِت و اماماچار اندام نَگِپت و نمازی رندگیری کُت گُڑا مقتدے نماز پُرُشتگ باید اِنت کہ وتی نمازا بِرتُرّینِیت.

سرچمگ: بلوچی فقه
نبیسوک: هَمُنتِی


نوشته شده توسط:سنت آنلاین - 1216 مطلب
پرینت اشتراک گذاری در فیسبوک اشتراک گذاری در توییتر اشتراک گذاری در گوگل پلاس
بازدید: ۲
برچسب ها: