واجه شیخ الإسلام مولانا عبدالحمید یکے چه مُلکَے مزنیں نیک واهان انت

دسته: بلوچی , دُرَین دانک , هؤر و تؤر
بدون دیدگاه
یکشنبه - 21 فوریه 2021

واجه مولانا سید عبدالکریم حسین‌پور عین العلوم گُشتَے وانگجاهَے پاگواجه وگُشتَے آدینگَے اماما اے هفتگَے گُڈیگیں بیانانی توکا (١ اسفند ١٣٩٩) گوں اشاره په تیر برقانی سیمانی دُزّگا ماں گُشت، گوشتی: باز زشت انت که لهتے مردم شهرَے روشنایی و برقان چُش که لامپ و سیمان دُزّنت، انسان چه اندازه پَست اِنت که وتی و دگرانی روشنائیان گار بکنت، وتی پت و مات و براتانی روشناییا گار بکنت، نزاناں چه کسے اشانی پلامرزیا کنت انت؟ اگر اشاں به گرنت و دادگاها به برنت دادگاه گوشیت: شما گوں وتی چماں دیتگ که اشاں سیم برّتگنت؟؟ تمامیں وسایلی هم گوننت، بلے گندَے پدا هم آزادی کننت!
واجها دولت و ملت توار جت و گوشتی: شما درستاں هور به بِت و اے دزانی دیما به گِراِت، زاناں اشاں کے اَنت و اشانی حکومت و زور کجا انت که شما اشانی دیما گپت نه کن اِت؟ هر کس اے دزکی مالاں په بها بزوریت، الّم اے کار حرام انت، حرام انت، حرام انت.
افسوزانت که اے مال په تریاق دیگ بنت، که ما ماں دینی شهرے زندگے کنین مواد مخدر ادا بها کنگ ببیت! داں کد په اے رسواییا زندگے کنیں، اے هر کس اَنت مئے و شمئے برات و چک اَنت، اشانا بگراِت و تنبه بکن اِت و اشانا دولتَے سپرد مه کن ات، چیا که اگه اودا سپرد کنگ به بنت پدا آزاداِش کننت و گوشنت: بایدانت ثبوتی بیاراِت، بلکیں شما وت آیاں بگرات و تنبه بکن ات و هر کسے که شما دیت سیم دُزّیت آئیا همودا بگرات و تنبه بکن ات. اے توامیں رسوائیانی بُن مواد مخدرانت، ما مسلمانیں داں کد چُشیں کارانی پدا کپیں که مئے دشمنا مئے سرا زوراک کتگنت، دشمن نلوٹیت که ما سالم و دیندار به بیں، نماز بوانیں، کار بکنیں، آ واهگداراَنت که شما نابودبه بِت، بلے شما وت په وتا فکرے به زیراِت و وتی عقلاں کار به بنداِت.
واجه مولانا سید عبدالکریم گوں اشاره په توهینانے که همے گُڈ سرا په واجه شیخ الإسلام مولانا عبدالحمید – حفظه‌الله-گوشگ بیتگنت گوشتی: واجه شیخ الإسلام چه مئے ملک و کشورَے نیک واهان انت و ماں جمعهَے خطبه یاں اهل سُنّتَے تچکیں حقَّے لوٹتگ، بلے لهتے اے چیزا اوپار نه نکتگ و په واجه شیخ الاسلام توهین اش کتگ، اشانے که واجه شیخ الاسلام اِش توهین کتگ نظامَے دوستدار نهنت. ما چه آیت‌الله محامی دزبندے کنیں که اے وڑیناں، چه آدینگَے امام بیگا به کشّیت و اشانا منبرانی سرا مَیلیت، آ یکّویی یے که مارا ماں اے اُستانا بیتگ لوٹنت گار بکننت.
عین العلوم گُشتَے پاگواجها گُڈ سرا تاکید کت: که ما چه واجه شیخ الاسلام – حفظه‌الله- دیمپانے کنیں؛ چیا که ما واجهَے کردار و گفتار دیتگنت که نه په ضد دولتا گپ کنت و نه که په ضد ملتا، بلکیں هر دوئینانی نیک واه انت و واجهَے هیالا شیعه و سنی یک اَنت؛ الله تعالىٰ وت واجه شیخ الاسلاما حفاظت بکنات.


نوشته شده توسط:سنت آنلاین - 1075 مطلب
پرینت اشتراک گذاری در فیسبوک اشتراک گذاری در توییتر اشتراک گذاری در گوگل پلاس
بازدید: ۴
برچسب ها: