واجہ مولانا سید عبدالکریم حسین‌پور: واجہ مولانا سید عبدالکریم حسین‌پور، عین العلوم گُشتَے دینی وانگجاھَے سر مستر و گُشتَے آدینَگَے اماما وتی مرچیگیں گپانی توکا (٢٦ ذوالحجهٔ ١٤٤٢هـ.ق/ ١٥ مرداد ١٤٠٠) گوشت:  وھدے کہ ما پہ اللہ پاکَے دَرا بِر بِتَرّین و توبہ بکنیں، اللہ پاک مئے سرجمیں اَڑ و مشکلاں آسان کنت الله تعالىٰ […]

واجہ مولانا سید عبدالکریم حسین‌پور:
واجہ مولانا سید عبدالکریم حسین‌پور، عین العلوم گُشتَے دینی وانگجاھَے سر مستر و گُشتَے آدینَگَے اماما وتی مرچیگیں گپانی توکا (٢٦ ذوالحجهٔ ١٤٤٢هـ.ق/ ١٥ مرداد ١٤٠٠) گوشت:

 وھدے کہ ما پہ اللہ پاکَے دَرا بِر بِتَرّین و توبہ بکنیں، اللہ پاک مئے سرجمیں اَڑ و مشکلاں آسان کنت الله تعالىٰ گوشیت: لَعَلَّهُمْ یَضَّرَّعُون؛ ما وتی بندگانی سرا مشکل کاریں داں آیاں مئے درگاھا بیاینت و فریاد و زاری بکننت و توبہ بکننت داں اللہ پاک آیانی توبہ ، قبول بکنت۔

 اگر مارا کِشت و کِشارے ھست انت و یا کہ درچکے مارا ھست و آیاں آپ دات کنیں بایداِنت آیاں شرّے سرا آپ و مین بکنیں، داں آیانی ثواب پہ ما و شما و آ کسانے کہ آیان اِش کِشتَگَنت پشَت بکَپیت. ماں حدیثا ھست انت کہ اگہ چہ شُمئے کِشت و کِشار و درچکا اگہ دلوتے چیزے بوارت پہ شما ثواب نبیسگ بیت۔ ما و شما کوشست بکنیں مالے کہ ما و شمارا ھست انت گار و بیگوہ مبیت و آیاں سالم بداریں، و اگر درچک و دار و ساھگے ما و شمارا ھست انت و اللہ پاکَے بندگے و یا کہ دلوتے چہ آئیا بھر زوریت ما و شمارا ثواب رسیت۔

زیکیں روچا راجکماش بدل کنگ بوتگ و ھر ھَند و دَمَگیا شورای بدل بیتگنت؛اللہ پاک نوکیں راجکماشا گوں نوکیں دار و دستگا سوبین بکنت داں اے کشورا کہ پہ اے حال و روچا کپتگ گوں ھوری و ھمدستیا آباد بکننت۔

 ما و شمئے شورا ھم بدل بوتگنت، اے گرانیں بار کہ آیانی کوپگانی سراانت آیان مراد بات گوشیں! و مئے واھگ چہ اے واجھاں اش انت کہ: داں جاھے کہ اے دوستانی دست رسیت و آ کارانے کہ آیانی دستا بیت کنت، پہ وتی مُلک و راجا کوتاھی مہ کننت و پہ اے راجا کوشست بکننت داں مشکلے حل بکننت، و گوں یک و دگرا جیڑہ مکننت و مئے امید ھم ھمشنت؛ چیا کہ ھر جاھے کہ اودا جیڑہ و نا تپاکی ببیت، چہ آ مُلکا برکت سرجم چِست کَنَگَ بیت، مُلکے کہ اودا نا تپاکی ببیت اللہ پاک اودا برکت نَیلیت، اے بابتا اگہ لوٹیں مئے مُلک آباد ببیت بایدانت تپاک ببین و یک دست ببیں:
دست در دست هم دهیم به مهر/ میهن خویش را کنیم آباد
(پہ مِھر و محبت گوں یک و دگرا دست بہ دئین و وتی ڈیھا آباد بکنیں)
کوشست بکنیں داں کارانا گوں ھوری و ھمراھیا دیما ببریں.

ذوالحجه ئے گُڈّی آدینگ انت، سالَے گُڈتریں ماہ انت و چہ محرم الحرامَے ماھا نوکیں سال[هجری قمری] بندات بیت؛ ما کوشست بکنیں و بچاریں کہ گوستگیں سالا چنچو کمّی مارا بوتگ، نوکیں سالا ، فکرے پہ آیانی پورہ کَنَگا بہ زوریں، پہ توبہ کنَگَے فکرامند ببیں و نیکیں عملانی گیشتر کَنَگَے فکرا ببیں، امید انت کہ الله تعالىٰ مئے آیوکیں زندمانا گھتر بکنت و مئے دینی و چاگردی زندمانا بدلی بیاریت۔