گلیں بمپشتَے آبریچا مں آسکانَے سِکیں خاکا مروچی ھارں خونانی زمینا رودنیں رنگے چہ ھوناں ریٹویں زرتگ اے کئی ھونانی تلکارانت کہ نقش انت ماتَے دلبندا کجام دئینا کشگ بیت انت میاراِش چی انت اۓ زوراک اے لاڑیں بچّ انت ماتانی عصاءانت پیریں پسّانی اے برات انت مئے گھارانی اے باسک انت پلیں براتانی اے […]

گلیں بمپشتَے آبریچا

مں آسکانَے سِکیں خاکا

مروچی ھارں خونانی

زمینا رودنیں رنگے

چہ ھوناں ریٹویں زرتگ

اے کئی ھونانی تلکارانت

کہ نقش انت ماتَے دلبندا

کجام دئینا کشگ بیت انت

میاراِش چی انت اۓ زوراک

اے لاڑیں بچّ انت ماتانی

عصاءانت پیریں پسّانی

اے برات انت مئے گھارانی

اے باسک انت پلیں براتانی

اے جود انت نازیں کاڑانی

پت انت نایاپتیں طفلانی

گوں نوھتّاں زبادانی

گوں ریشّ و چوٹواں سیاھیں

پہ چنڈے نانَے شوھازا

پہ سارتیں ساھگے اوستا

شد و تناں کن انت اوپار

نوانی ءِ امیتا اے

مں سارتیں پاساں راہا انت

مں جندَے مکّہ ایں زیداں

جت انت گوں تیر و ٹوپاں تو

پہ بے رحمی پہ زوراکی

پتاں داغے دلا داتے

و ماتا داں زندا کُھتیگ انت

کت انت گمجت گھار و برات

جنوزام کرتے شہکاڑاں

کت انت چورہ گلیں نایاپت

پتی مھراں زبھربیت انت

منی حونَے شریدار ھم

پہ گازے گوادری گون انت

جن انت وت براتاں بے دئینا

کجام کار تو اشاں تو داتگ

کجام گنج و متاہ اِش گوں

کجا انت میلّ و کارھانگ

کج انت شھجو و کھن و باغ

نہ منت انت جدّی ملکت مئے

کجام اوستا بہ بیں زندگ

کجام اوستا بہ بیں زندگ؟

شاعر: (مولانا) یوسف انیس کلمتی