سنت آنلاین

سیزدھمی باور:
ھچ چیزے اللہ پاک ءِ سرا لازم نَھِنت، ھر چِنکہ دات و بَکشیت آ‏ئی  احسانِ انت۔
نبوّت
چاردھمی باور:
اللہ پاکا پہ انسانانی رھشونیا بازیں پیغمبرانےکہ چہ پَھکیں گناھاں پاک بوتَگَنت؛ دیم داتَگ، آیانی حسابا اللہ پاک وت زانت کہ چنکہ بوتَگَنت و بس۔
معجزہ
پہ اِشی کہ انساناں بزانَنت پیغمبراں چہ اللہ پاکَے نیمَگا دیم دَیَگ بوتَگَنت و بر حق و راست اَنت ھَنچُشیں کار چہ آیانی دستا پَدَّر بوتَگ کہ اے دگہ انساناں چہ آ کارانی کَنَگا عاجز و ناتَواننت، اے چیزان مُعجزہ گوشَنت۔
اولی پیغمبرَے نام بابا آدم و گُڈتریں پیغمبرَےنام محمّد صلی اللہ علیہ و سلّم اِنت، لھتے چہ پیغمبراں کہ نامانی اَنت و قرآنَے تھا آیانی نام آتکگ اِش اَنت:
مِھترنوح،ابراھیم،اسحاق،اسماعیل،یعقوب،یوسف،داود،سلیمان،ایوب،موسی،ھارون،زکریا،یحیی، عیسی،الیاس،الیسع،یونس، لوط،ادریس،ذوالکفل، صالح، ھود و شعیب علیھم السلام۔
پانزدھمی باور:
لھتے پیغمبرانی جاگاہ چہ لھتے بالاترانت و محمد صلی اللہ علیہ و سلّم کہ گُڈتریں پیغمبرانت آئی مقام چہ درستاں بُرزتِرانت، داں قیامتَے روچا ھرچِنکہ انسان و جِن ماں دُنیایا کَیتِنت پیغمبرِاش محمد صلی اللہ علیہ و سلم اِنت۔
شانزدھمی باور:
معراج
مئے لاڑُکیں پیغمبر صلی اللہ علیہ و سلم ماں آگاھیّا گوں دُردانَگیں جِسما چہ مکّہ شریفا پہ بیت المقدسا بَرَگ بوتَگ و چہ اودا پہ ھفتیں آسماناں، چہ ھفتیں آسماناں داں جاھے کہ اللہ پاکا لوٹِتَگ بَرَگ بوتَگ و پدا پہ مکّہ شریفا یارَگ بوتَگ اے چیزا معراج گوشَنت۔

فرشتگاں
ھفدھمی باور:
اللہ پاکا مخلوقے چہ نورا اڈّ کُتَگ، کہ چہ مئے چمّاں چیرانت کہ آیانا فرشتَگَ گوشَنت، بازیں کارے آیانی دستا دَیَگ بوتَگ و آیاں اللہ پاکَے نافرمانیا نکنَنت، ھر دستورے کہ دَیَگَ بَنت ھما کارا کَننت، چہ آیاں چار فرشتگ پہ نام جبرئیل، میکائیل، اسرافیل و عزرائیل علیھم السلام نامانی اِنت.
ھژدھمی باور:
اللہ پاکا یک دگہ مخلوقے چہ آسا اَڈّ کُتَگ کہ آ ھم چہ مئے چمّاں چیرانت، آیان جِنَّ گوشَنت، لھتے چہ جِنّاں نیک و لھتے بَد و لھتے مومن و لَھتے کافرَانت، جِنّانی مشھورتریں شیطانِ انت۔
اللہ پاکَے ولی کے اَنت؟
نوزدھمی باور:
وھدے کہ مسلماں وش عبادت بکنت و چہ گُناھاں وتا دور بداریت دنیایَے مِھرا چہ دلا بہ گْوجیت و رسول اللہ صلی اللہ علیہ و سلّمَے سُنّتانا وتی زندَے ھَمُک پَھناتا شِنگ بکنت اللہ پاکَے دوست بیت، اے کَسا اللہ پاکَے ولی گوشَنت.
کرامت
بَرے بَرے چہ اللہ پاکَے ولیّانی دستا ھَنچُشیں کار بیت کہ چہ اے دگرانی دستا بیت نکنت، اے چیزا کرامت گوشَنت.
بیستُمی باور:
وَلی هر چنکہ اللہ پاکَے درگاها نزّیکی بِکٹّیت بلے پہ نَبیّانا نرَسیت.
بیست و یکُّمی باور:
ولی؛ ھر چِنکہ اللہ پاکَے دوست بہ بیت داں وھدے کہ پہ سارانت پہ آئیا لازمِ انت کہ شریعتَے پابَند بہ بیت، وھچ عبادتے چہ آئی ءِ گَردِنا نکَپِیت‏ و چہ گُناھاں دوری کَنَگ پہ آئیا ھَژدَری اِنت.
بیست و دومی باور:
ھر کسے کہ شریعتَے خلافا گام جَنان ببیت آ اللہ پاکَے دوست گوشَگَ نبیت، تُری چہ آیی دستا مزنیں کار ببیت اِنت.

سَرچَمَّگ: بلوچی فقہ
نبیسوک: ھَمُنتِی