عین العلوم گُشتَے استاد و نودَربَراں جنایتے کہ سراوانَے سیمسرا پیش آتکَگ بیانے توکا ایر جَت و لوٹوک بوتَنت کہ اے جنایتَے کَنوک وتی سزاھاں رسینگ ببنت۔ گوں سنت آنلاینَے ھالکاریا عین العلوم گُشتَے استاد و نودربرانی بیان اے وڑا اِنت: ﴿إنا لله وإنا إلیه راجعون﴾ چہ اے گپَّے اشکنگا کہ لھتے چہ دولتی واکاں […]

 عین العلوم گُشتَے استاد و نودَربَراں جنایتے کہ سراوانَے سیمسرا پیش آتکَگ بیانے توکا ایر جَت و لوٹوک بوتَنت کہ اے جنایتَے کَنوک وتی سزاھاں رسینگ ببنت۔
گوں سنت آنلاینَے ھالکاریا عین العلوم گُشتَے استاد و نودربرانی بیان اے وڑا اِنت:

﴿إنا لله وإنا إلیه راجعون﴾
چہ اے گپَّے اشکنگا کہ لھتے چہ دولتی واکاں پہ بلوچ راجَے ٹیل بروکاں تیرگواری کتگ، سک دلپدرد بیتیں و اے حالا جھانَے بازیں منصفیں مردم پدرد کنائینت.چہ آجاھے کہ مئی استانا مزنیں اقتصادی کار و بار نیست و دولتا ھم پہ اے راجا ھچ وڑیں کارے شوھاز نکُتَگ، استانَے بازیں مردمے چہ لاچاریا پہ چُنڈے نَگنَے شوھاز کَنَگا اے خطرناکیں کارا گُلائیشَنت و چہ مرزَے بھرہ برگا زبھراَنت، افسوز ادااِنت کہ برے برے گوں طبیعی و کَستی پیشامداں دیم پہ دیم بنت۔
سراوانَے شمسرے سیمسرَے پیشامدا چہ مئی دیدا، ھچ پیمیں آسمانی و زمینی نیمونے بیت نکنت و چہ شریعتَے وجَھا ما اے کارا پہ ترندی ایرجنین و محکوم کنیں و امیدواریں اے کارَے کنوک ھرچی زوتر پہ وتی مُزّا رسینگ ببنت و ھما وڑے کہ واجہ شیخ الحدیث مولانا حسین‌پور – رحمه‌الله- ماں وتی زندا پہ پرام مرزَے پچ بیگَے لوٹوک بوتگ، مئی واھگ ھم ھمش انت کہ مرز پچ ببیت داں بلوچ راج چہ اے راھا پہ وتا حلالیں روزیگے شوھاز کُت بکَنت.
و پہ شھیدانی لوگمانا ما اے گرانیں پیشامدا تسلیت گوشین و پہ آیاں چہ اللہ پاکَے درا شَرّیں اوپار و مَزنیں مُزّا لوٹوکیں و مئی اوست اِنت کہ ٹپیگ ھرچہ زوتر جاندراہ و سلامت ببنت.
چہ غم دیتگین و دوستاکیں راجا لوٹوکیں ھما وڑے که واجہ شیخ الإسلام مولانا عبدالحمید – حفظه الله – گوشتگَت،وتی آرامشَے ھیالداریا بکننت و چہ کانودَے رھبندا وتی شکایتاں رند گیری بکننت۔

چہ ایرانَے بلوچستانا عین العلوم گُشتَے پاگواجہ و استاد و نودربرانی نیمَگا
١١ رجب ١٤٤٢هـ./ ٥ اسفند ١٣٩٩