سنت آنلاین

داں بـلــوچَے قـبــر پـرسـتی برجم اِنت
دِرّ و دوچ و جـنـگ و کُستی برجم اِنت

تا کہ میرَے دروغ چو شھدا شیرکن اَنت
گـژن و گُرس و تـنـگــدسـتی برجم اِنت

مئے سـروک وت دژمـنا چے بدتر اَنت
اے وڑا نوں ظلـمَے ھستی برجم اِنت

حقَّے جُستا مرد چہ وابا پَدّْرَہ اَنت
ظلمَے زور و کیـفَے مستی برجم اِنت

لَـجَّے تَـنْک اَت جُو کہ مـرداں دَؤر کتگ
بے وفــائی زنـــد پہ پَـسـتـی برجم اِنت

شادہ اَنت کہ لَـجَّے جُـوّا گْوستگ اَنت
چو نزان اَنت ننگَے سُـستی برجم اِنت

مشکل اِنت ‌کہ چو غریـبے بود بہ کنت
واجـھـانی حرص دو دستی برجم اِنت

ھو! نثار رھشـون کہ پیـگَے پانگ اَنت
گُربـگَے پْروش و شـکستی برجم اِنت

رحــمٰــن نـثــــار