سنت آنلاین

 لھتے چہ امام صاحبَے دُریں دانکاں

۱-ھَر کَسے کہ ریاستا پیسر چہ ریاستَے رَسَگَے وھدا بلوٹیت،آ کس پَستیں زندے واھُند بیت.
کسے کہ علمی دیواناں گِراں بار ببیت، فقہ و اھل فقھَے قدرا نَزانت.
۲-مَن گُناھان رُسوا کَنوک دیتنت،و گُناھَے تَرک کَنَگا مَردانَگی دیتوں، کہ گُناھَے وَیل کَنَگ وَت مَزَنیں اِسپَرے پہ دینا.
۳-کسے کہ آئی عِلم و زانتا آئیا چہ گُناھاں دور نَکُت، بیشک کہ آ کس چہ تاوان باران اِنت.
۴-اگہ دُنیا و آخرَتا اللہ پاکَے دوست عالِماں نَھَنت گُڑا اللہ پاک دگہ دوست و ولی نیست اِنت.
۵-ھَر کسے کہ علم حَدیثَے پَدا رَوت و چہ علم فقھَے یادگِرَگا بے تِرانَگ بیت ھما کسے وَڑا اِنت کہ دارو نَزّ کاریت؛بلے داں طبیبَے گورا مَرَوت آیانی کارمرزا نزانت و فقیہ اے دَرمان جاھَے ڈاکٹراِنت.
۶-اللہ پاکَے دینَے علم و زانتا یاد بِگِراِت و مردُماں بِلّ اِت کہ ھَرچی کَنَنت بِکَنَنت بلے شَر بزان اِت کہ اللہ تعالی مَردُمانا شمۓ وازمَند کَنت.
۷-گُناھانا پہ وتی دوستا کہ تۓ نفس اِنت نَزَّ کارَے و مال و ھَزگارے پہ وتی دُشمنا کہ تۓ پُشپَداِنت؟!
وتی یک شاگِردے گوشتی: مَنا راھَے رَوَگا،گوں مَردماں گَپ کَنَگَے وھدا، یا وھدے کہ وَپتَگوں یا تِکَّہ اوں داتَگ، چہ دینی کاراں جُست مَکَن!چیا کہ اے حالتاں مَردینانی عقل مُحکم نَھِنت.

۸-وتی دوستانی گوشت: اگہ گوں اے عِلما خیرَے لوٹوک مہ بِت، سوبین بِیَگ شمارا نصیب نبیت.
۹-گوشتی: حیراناں چہ آ مَردماں کہ برابر گوں وتی وَھم و گُمانا گپ کَننت و برابر گوں ھمے گُمانا ھم کار کَنَنت ماں حالے کہ اللہ تعالی وتی پیغمبرا گوشیت: «وَلَاتَقفُ مَالَیسَ لَکَ بِه عِلم» پہ آ چیزے کہ ترا آئی بابتا زانت نیست گَپ مَکن .
۱ٍ۰-ابراھیم بن ادھما گوشتی: اَے ابراھیم!ترا پہ عبادت کَنَگا شَوقیں بھرے رَسِتَگ، بایداِنت عبادتَے گورا علمَے اَھَمیت ترا باز ببیت، چیا کہ علم عبادَتَے سَراِنت و دِرائیں کارانی بُنیاد گوں علما اِنت.
۱۱-کوفہ ئےاَمیری گوشت: چُنڈے نگن و گُٹّے آپ و دِرتگیں پُچّے گوں جاندراھی و زندمانَے سلامَتیا چہ زندے کہ گوں بازيں نعمتان اِنت باز گِھتراِنت،چیا کہ اے نعمتانا رندا پشومانی مان اِنت.
۱ٍ۲-امام صاحبا گوشت: ھرکسے کہ پہ دنیایَے وَجَھا علمَے پدا بِرَوت چہ علمَے برکاتا زبھر بیت و علم آئی دلا جاہ نَکَنت و دگراں چہ آئی عِلما فایدَگَ نبَراَنت و اگہ ھر کَسے پہ دینَے واستا عِلمَے پدا بِرَوت علمی با برکت بیت و علم آئی دلا نِندیت و دگراں چہ آئی علم و زانتا بھرہ مَند بنت.

سرچمگ: الخیرات الحسان فی منقب الامام الاعظم ابی حنیفه النعمان.