مســــلہ (براکَے دو گودانَے یکجاہ و ھور بیَگ) اگاں گامیش و یا دگہ دلوتے دو گودان ھور بہ بنت انچش کہ باز مردمانی دو لنکک ھور بنت، گِندگا پورو یک گودانے بلے چو دو انت ، وھدے شیرا پُر بنت دوینانی میانا نشان و لَپّے پدر بیت ، دوشگا اوں دوگودانَے ھُژ درکیت و چہ […]

مســــلہ
(براکَے دو گودانَے یکجاہ و ھور بیَگ)
اگاں گامیش و یا دگہ دلوتے دو گودان ھور بہ بنت انچش کہ باز مردمانی دو لنکک ھور بنت، گِندگا پورو یک گودانے بلے چو دو انت ، وھدے شیرا پُر بنت دوینانی میانا نشان و لَپّے پدر بیت ، دوشگا اوں دوگودانَے ھُژ درکیت و چہ یک گودانیا باز مستر انت چریشیا زانگ بیت کہ دو گودان انت بلے ھور انت ،
گڑا چشیں ھور گودانیں دلوت براکا روا بیت
[عالمگیری:۵|۲۹۹، محمودیہ:۱۷|۲۴۹]

مســـلہ
(گودان)
اگاں بُز و میشَے یک گودانیا چہ شیر نئیت گڑا اِیشانی قربانی روا نہ اِنت،پرچاکہ اے عیبب والائیں دلوت اَنت، و عیب والائیں دلوتَے قربانی نہ بیت،
اگاں گامیش و گوگ و ڈاچیگ و دگہ انچیں دلوتَے دوئیں گودان چہ شیر مئیت گڑا اِیشانی قربانی نہ بیت
[ردالمختار:۶|۳۲۵،۳۲۴،ھندیہ:۵|۲۹۹]

مســـلہ
(پہ مُردگا صدقہ کنگ گھتر اِنت یا قربانی؟)
قربانے روچاں پہ مُردگَے ثواب رسینگا زرّ و مالَے صدقہ کنگا چہ قربانی کنگ گھتر اِنت، و اِیشی ثواباں مُردگا بکشگ گھتر اِنت، پرچاکہ صدقہ و خیراتَے تہا بس زرّ دیگ بیت بلے قربانی کنگَے تہا زرّ و مالا گوں ھور قربانی ھم ھست اِنت، پمیشکا قربانی کنگ گھتر اِنت۔
[خلاصۃ الفتاوی:۴|۳۲۰]

مســـلہ
(گوں اَندازگا گوشتاں بھر کنگ)
یکجاھیں دلوتَے قربانے گوشتاں گوں اَندازگا بھر کنگ روا نہ اِنت بلکیں وزن کنگ و (گوں برابریّا) بھر کنگ الّمی اِنت، اگاں یک بھرے تہا کمی و گیشی بئیت گڑا سود بیت اِنت و سود زیرگ و دیگ و ورگ سرجمیں حرام اَنت۔
[بحر:۸|۱۷۴]