مســـلہ (گَندَگی وروکیں دلوت) ھرچ دلوتے کہ پلیتی و گندگی وارت، آئی بندگ و چار و وار کنگا پیسر بُراکَے کُشگ روا نہ اِنت، البت اگاں چیزکے روچا بندگ و کاہ و کدیم دیگ بہ بیت، بوجگ و یلو دیگ مہ بیت تاکہ پلیتی و گندگی مہ وارت گڑا ایشیا بُراک کنگ شر اِنت۔ اگاں […]

مســـلہ
(گَندَگی وروکیں دلوت)
ھرچ دلوتے کہ پلیتی و گندگی وارت، آئی بندگ و چار و وار کنگا پیسر بُراکَے کُشگ روا نہ اِنت، البت اگاں چیزکے روچا بندگ و کاہ و کدیم دیگ بہ بیت، بوجگ و یلو دیگ مہ بیت تاکہ پلیتی و گندگی مہ وارت گڑا ایشیا بُراک کنگ شر اِنت۔
اگاں ھشترے داں چِل روچا،
گوک و گامیشا بیست روچا،
پس و میش دہ روچا بندگ و کاہ دیگ بہ بیت۔
[ھندیہ:۵\۲۹۸،بحر:۸\۱۷۶]
مســـلہ
(امانتیں زرّ)
چہ امانتیں زرّاں بے اجازتا دلوت زیرگ و قربانی کنگ روا نہ اِنت،البت اگاں زرّانی واھندَے نیمگا چہ اجازت بہ رس اِیت گڑا چریشاں دلوتے زیرگ و قربانی کنگ روا اِنت،و قربانی کنوک سرا الّمی اِنت کہ زرّاں پدا واھندا بہ دنت۔
[ردالمختار:۶|۳۳۱،ھندیہ:۵|۳۰۳]
مســـلہ
(چُکّانی نیمگا چہ قربانی کنگ)
مات و پتَے سرا چُکّانی نیمگا چہ قربانی کنگ واجب نہ اِنت،درور یکّے دہ چُک اَنت یکجاہ زند گْوازینگا اَنت ماں پتَے زندا بس پتا قربانی پِر اِنت بزاں وتی ناما قربانی بہ کنت چُکّانی ناما اناں۔
[قربانی کے مسائل کا انسائیکلوپیڈیا:۳۱]
مســـلہ
اگاں چُک رُستگ و بالغ اَنت دراھیں مالدار و نصابَے واھند اَنت گڑا ھر یکّے سرا الّمی اِنت کہ یک یک بھرے قربانی بہ زیر اِیت،اگاں پت چُکّانی نیمگا چُکّانی اجازتا چہ قربانی بہ کنت گڑا آیانی قربانی ادا بیت و پتا ھم مُز رس اِیت البت اگاں پت مہ کنت اِنت گڑا ھر یکّے سر ا الّمی اِنت کہ یک یک بھرے قربانی بہ کنت اگاں ناں دراھیں گناھگار بنت۔
[قربانی کےمسائل کا انسائیکلوپیڈیا:۳۲]

مســـلہ
(جنینَے مَھر قربانی)
یک جنین آدمے نصابَے واھند نہ اِنت،بلے اِیشی مَھر کہ مردا پِر اَنت نصابا چہ گْوستگ اَنت انی رسگَے وڑ و پیم نیست بس جنین آدم اے مَھرَے سوَبا مالدار بزاں نصابَے واھند لیکگ نہ بیت و آئیا قربانی پِر نہ بیت اِنت۔(فتاویٰ ہندیہ:ص۹۳۲/ج۵)
مسلہ: نصابَے واھند اگاں زکات بہ دنت زکاتا پد نی کَمّک مال پشت کپتگ انگت ھم قربانی پِر اِنتی۔
(عالمگیری: ص۲۹۲/ج۵)
(مسائل رفعت قاسمی:ص۱۱۲/ج۵)

مســـلہ
(پہ وام زُرتگیں دلوت)
پہ وام زُرتگیں دلوتَے قربانی کنگ روا اِنت پرچاکہ زِیروک اِیشی واھند اِنت۔
پہ کاریا وام زُرتگیں (اَدارُکے) دلوتَے قربانی کنگ شر نہ اِنت پرچاکہ آئی واھند دِگرے
[بدائع:١٧٧/٥]

(مالدار غریب بوت)
زید سیریں مردے اَت اِیشیا شش ماہا پیسر پہ قربانے ارادہا دلوتے زُرت پدا زید غریب بوت گڑا اے دلوتَے قربانی زید سرا واجب نہ اِنت۔
[احسن الفتاوی:۷|۵۱۱]