یدَاکَ أوكتا وفوکَ نفخ بُرزا نبشتگیں گالرد یک عربی بتلے کہ ایشی بزانت اے پیم انت: تئی دستاں مَشکَے دپ بستگ و تئی دپا ھُپ کتگ گوشنت کہ: یکبرے یک جُہلیں زرے نزیکا یک مردے جاھمنندات کہ آئیا ارادہ کت کہ دریائا دَور بہ کنت، گڈا دگہ چیز نیست ات، مردکا یک آپی مَشکے ھست […]

یدَاکَ أوكتا وفوکَ نفخ

بُرزا نبشتگیں گالرد یک عربی بتلے کہ ایشی بزانت اے پیم انت:

تئی دستاں مَشکَے دپ بستگ و تئی دپا ھُپ کتگ

گوشنت کہ: یکبرے یک جُہلیں زرے نزیکا یک مردے جاھمنندات کہ آئیا ارادہ کت کہ دریائا دَور بہ کنت، گڈا دگہ چیز نیست ات، مردکا یک آپی مَشکے ھست ات آئیا ھمے مَشکا پہ دَپ ھُپ کت و گوات مان کت و دپی بست و دریائا دَوردات و وت ھمے مَشکَے سرا نشت گڈا جھلانکیا کہ سربوت مَشک دپی شُل بوت و گواتی دراتک انت و مردک بک گران بوت گڈا چہ دومی نیمگا یک ناھدائے گوں وتی یدارا روان ات ھمے مردا توار کت کہ بیا منی کمکا بکن کہ من اے چَولانی تہا بیگواہ آں!
گڈا ناھدائا گوشت: اے تئی وتی کارانت کہ تو مشکا گوات مان کتگ بلے دپ شر نہ بستگ پمشکا تو آپا کپگا ئے گڈا آئیا ھمے بتل جت.
یداک اوکتا وفوک نفخَ
تئی دستاں اے مشک دپ بستگ و تئی دپا ھُپ کتگ

باز براں انسان وتی جندَے کارانی سببا وتا بیگواہیا بارت پمشکا ھمک گاما پیسر بہ جیڑایت و وتی کرتگیناں بہ چارایت…

یلان زامرانی