تَوَے الله ءِ پیغمبر توَے درستیں جهانا سر - سنت آنلاین

تَوَے الله ءِ پیغمبر توَے درستیں جهانا سر محمد تو گچینیگَے رسولانی تها سرور قرانِ پاکَے آیاتاں ترا الله ئا ساڑاتگ تئی تعریف و توصیف اِں منی گنجایشا چه در اشاره کت گوں لنکک تو دو کپّا مَه جدا بیتگ رٹوکیں کافراں گوشتگ که اِے سحرنت و یا منتر هما کس که دلی سنگ اِں […]

تَوَے الله ءِ پیغمبر توَے درستیں جهانا سر
محمد تو گچینیگَے رسولانی تها سرور

قرانِ پاکَے آیاتاں ترا الله ئا ساڑاتگ
تئی تعریف و توصیف اِں منی گنجایشا چه در

اشاره کت گوں لنکک تو دو کپّا مَه جدا بیتگ
رٹوکیں کافراں گوشتگ که اِے سحرنت و یا منتر

هما کس که دلی سنگ اِں نه ییت هجبر په تچکیں راه
هبر کت سنگاں دستیگاں ابوجهلا نه کت باور

گوں حقّا دیم په دیمی مشکل اِں ناحقّیں گمراهان
شکین بیت انت په تے جنگا تمامیں کفر و زورانسر

سوارانی سرگ دیر آتک و مرت و درپه در بیت انت
سروکیں کفرَے جنگولاں جتگ بدرا ستر سر سر

روان دات مُوتَها وهدے رسولا سَے هزار غازی
دو لک سوارا چه گیش اَت انگت تتکگ کافرَےلشکر

نه بیت هجبر به زانت هر کس سرگ گوں سنگا میڑینگ
نه سگّیت روچَے گورگنداں گریب و بزّگیں شپچر

نه کرزی کچکیا دنیا و دین یک گوهرے شدریں
تو زانے قیمتَے جاها کجا کچک و کجا گوهر

کتگ برداشت تو موتَے محنت و سکّی په مے یادا
بنی آدم چشیں پیداگ نه بیت نے تے همدرور

تو آتکے پر مئے بچّینگا چه کوڑویں آسا
ببر گوں تو مسلماناں به کن فردوسَے باغاں سر

شفاعت کن گنهگاران مَبَے چه مارا بیترانگ
که اِے بیچارگیں “ناصر” مه بیت شرمنده مں محشر

لچھکار: استاد عبدالناصر پسند

https://www.sunnatonline.org/?p=38403

تَوَے الله ءِ پیغمبر توَے درستیں جهانا سر محمد تو گچینیگَے رسولانی تها سرور

قرانِ پاکَے آیاتاں ترا الله ئا ساڑاتگ تئی تعریف و توصیف اِں منی گنجایشا چه در

اشاره کت گوں لنکک تو دو کپّا مَه جدا بیتگ رٹوکیں کافراں گوشتگ که اِے سحرنت و یا منتر

هما کس که دلی سنگ اِں نه ییت هجبر په تچکیں راه هبر کت سنگاں دستیگاں ابوجهلا نه کت باور

گوں حقّا دیم په دیمی مشکل اِں ناحقّیں گمراهان شکین بیت انت په تے جنگا تمامیں کفر و زورانسر

سوارانی سرگ دیر آتک و مرت و درپه در بیت انت سروکیں کفرَے جنگولاں جتگ بدرا ستر سر سر

روان دات مُوتَها وهدے رسولا سَے هزار غازی دو لک سوارا چه گیش اَت انگت تتکگ کافرَےلشکر

نه بیت هجبر به زانت هر کس سرگ گوں سنگا میڑینگ نه سگّیت روچَے گورگنداں گریب و بزّگیں شپچر

نه کرزی کچکیا دنیا و دین یک گوهرے شدریں تو زانے قیمتَے جاها کجا کچک و کجا گوهر

کتگ برداشت تو موتَے محنت و سکّی په مے یادا بنی آدم چشیں پیداگ نه بیت نے تے همدرور

تو آتکے پر مئے بچّینگا چه کوڑویں آسا ببر گوں تو مسلماناں به کن فردوسَے باغاں سر

شفاعت کن گنهگاران مَبَے چه مارا بیترانگ که اِے بیچارگیں “ناصر” مه بیت شرمنده مں محشر