سنت آنلاین

قال النبی صلی الله علیه و سلم: الدّین النصیحة.
رجانک:پاکیں پیغمبرا گوشتگ: دین اسلام سراسر پند و نصیحت انت.

شرح:
النصیحة: گالے اِنت که په توامیں خیر و شَرّیاں، په کسے که نصیحت کنگ بیت، کارمرز بیت و امکان نهنت که اے گال اَبید خیر و شَرّیاں په دگه چیزے کارمرز ببیت.
نصیحة مفردانت آئی جمع، نصح انت، که ماں لغتا: خالصیتَے بزانتا دنت، چه همے گالا اِنت”التَّوبةُ النّصوح” بزاں هنچیں خالصیں توبه یے که پروشَگَ نبیت، و رند چه آئیا گناهے نیست.
نصیحت، ماں هر گفتار و کردارے که ماں آئیا کامیابی
گِندگَ بیت، کارمرز بیت.

نصیحت، یکے چه مسلمانَے حق و حقوقا په آ دگه مسلمانا زانگَ بیت، فرق نکنت که حاضر ببیت یا که غایب.

و نصیحت په درائیں مخلوقا عام انت، اے وڑا که هر یکے چه الله پاکَے مخلوقانی حق ادا کنگ ببیت.

سرچمّگ: زادالطالبین مع حاشیته مزادالراغبین
رجانکار: هَمُنْتِی