سنت آنلاین

قرآنا یاد بگر

قرآنا یاد بگر جوان ، نوراِن پدا هدایت اِن
اے مؤمنانی ٹیکی اِن دائم شفا و رحمت اِن

آ محشرا تی تاج بیت ، درد و غمَے علاج بیت
بِلّے ادا تو بیدرَے ، اودا تی قدر و قیمت اِن

حسرت مَوَر که دیگران ، مال هست و زرّ و جایداد
قرآن تی یار و یاور اِن ،باندا که یومِ حسرت اِن

اے زندگی بهار بیت، دل تُستگین قرار بیت
الله ئے فضل و رحمت اِن پاکین قرانَے بر کت اِن

مؤمن گَل اِن که چو کلیم ، الله ئے هم کلام بیت
کافر نزانت چه جاهلی، اے روشنیں حقیقت

آيّا که ویل کتگ قران، مؤمن بزان نَهِن په دل
اے مؤمنَے نشانی اِن پروردگارَے حجت اِن

وقتے صحابیانی زِند ، گؤستگ قران و سنتا
بیت اَن جهانَے بادشاه ، اے زندگی ئے سنت اِن

طارق بگؤش حقیقتا ، مردان سَهی ببِت شما
مرچی خدائے درگها، بیائِت قرانَے دعوت اِن

لچهکار: استاد طارق پسند