یک‌سالَے گناهانی درگوز بیگ؛ چه مُحَرَّمَے دهمی(عاشورا)روچَے روچگ بیگا واجه رسول الله صلى الله علیه وسلما مردمان په عاشورائَے روچگ گرَگا که هما مُحرمَے دهمی روچ انت، بازیں مُزّ و ثوابَے واستا شوقمند کُتگنت. عاشورایا روچگ گِرَگ ماں عاشورائے روچا، روچگ گِرَگ، پیسر چه رمضانَے روچگ گرگا واجب اَت، بلے وهدے که رمضانَے روچگَے گِرَگ […]

یک‌سالَے گناهانی درگوز بیگ؛ چه مُحَرَّمَے دهمی(عاشورا)روچَے روچگ بیگا

واجه رسول الله صلى الله علیه وسلما مردمان په عاشورائَے روچگ گرَگا که هما مُحرمَے دهمی روچ انت، بازیں مُزّ و ثوابَے واستا شوقمند کُتگنت.

عاشورایا روچگ گِرَگ

ماں عاشورائے روچا، روچگ گِرَگ، پیسر چه رمضانَے روچگ گرگا واجب اَت، بلے وهدے که رمضانَے روچگَے گِرَگ فرض بوت، عاشورائے روچگَے گِرَگ اختیاری بوت، هر کسا لوٹ اِت روچگ بوت و هر کسا نه لوٹ اِت روچگ نبوت، و اے گپ چه احادیثے که ماں صحیحین چه عایشه، ابن عمر و معاویه و ماں صحیح مسلم چه ابن مسعود و جابر بن سمره و ماں سنن نسایی چه قیس بن سعد آتکگ، ثابت انت.

عاشورائَے روچگَے وهدیگی و آئی حکمت

ماں صحیح بخاری، مسلم، سنن ابی داود، سنن نسایی و سنن ابن ماجه چه ابن عباس رضی الله عنهما روایت بوتگ: رسول الله صلی الله علیه و سلم مدینه ئا آتک و دیتی که یهودیان اے روچا روچگ گِراَنت، جُستی کت: اے چونیں روچگے؟
گوشت اِش: اے روچ نیکیں روچے انت که الله پاکا ماں اے روچا بنی‌اسرائیلا چه دشمناں نجات داتگ و موسی علیه السلام اے واستا اے روچا روچگ گپتگ.
رسول الله صلى الله علیه وسلما گوشت: «من چه شما په واجه موسى نزیک تراں.» گُڑا رسول الله صلى الله علیه وسلما اے روچا روچگ گپت و وتی یارانی هم امر کت که آئیا روچگ بگراَنت.

عن أبی الحسن علیه السلام قال: «صام رسول الله صلى الله علیه وآله وسلم یوم عاشوراء»؛
ابوالحسن علیه السلام گوشیت: رسول الله صلی الله علیه وسلم، عاشورائے روچا روچگ گپتگ.
[وسایل الشیعة ج ۱۰، ص۴۵۷]، و [الاستبصار – ج۲، ص ۱۳۴].

عاشورائَے روچگَے ثواب، دوئیں مذهبانی روایتاں

عاشورائَے روچگَے ثواب، یک پوره ئیں سالے گناهانی معاف بیگ انت که اےچه الله پاکَے نیمگا مئی سرا مزنیں منتے انت.

الف: اهل سنتَے روایتاں

عَنْ أَبِی قَتَادَهَ رضی الله عنه، قَالَ رَسُولُ اللَّهِ صلى الله علیه وسلم: «صِیَامُ یَوْمِ عَاشُورَاءَ أَحْتَسِبُ عَلَى اللَّهِ أَنْ یُکَفِّرَ السَّنَهَ الَّتِی قَبْلَهُ.»
[صحیح مسلم رقم/ ۱۱۶۲].

أبوقتاده رضی الله عنه روایت کتگ که رسول خدا صلى الله علیه وسلما گوشتگ:
« منی گماں الله پاکَے گورا، اش انت که: عاشورائے روچگ بیگَے بدلا یک سالے گناهاں پهل و درگوز کنت.»

ب: شیعه یانی روایتاں

عن أبی عبدالله علیه السلام عن أبیه، أن علیا علیه السلام قال: «صوموا العاشوراء التاسع والعاشر، فانه یکفر ذنوب سنه.»؛

علی علیه السلاما گوشت: «عاشوراء، نهم و دهما روچگ به گِراِت، چیا که اے روچانی روچگَے بیگ یک سالے گناهاں درگوز کنائینیت.»
[وسائل الشیعه، ج ۱۰ / ص ۴۵۷] و [الاستبصار- ج ۲ / ص ۱۳۴].

عن جعفر، عن أبیه علیهما السلام قال: «صیام یوم عاشوراء کفاره سنه.».

جعفرچه وتی پتا علیهما السلام روایت کتگ که گوشتگی: «عاشورائَے روچگَے گرگ یک سالے گناهانی پلگارگ و کفاره اِنت.»

[وسائل الشیعه- ج ۱۰ / ص ۴۵۷] و [الاستبصار- ج۲ / ص ۱۳۴، التهذیب ۳۰۰/۴].

یک روچے پیش و یا یک روچے پد، چه عاشورائا روچگَے گرَگ مستحب انت

مستحب انت که محرمَے نهمی روچا گوں دهمی روچا هور روچگ بگیرت؛ چیا که رسول خدا صلى الله علیه وسلما گوشت: «لئن بقیت إلى قابل لأصومن التاسع.»؛
اگر داں آیوکیں سالا زندگ بباں، الّم که نهمی روچا هم روچگ گراں.

[رواه مسلم/ رقم ۱۱۳۴]

واجه ابن قیم ماں وتی کتابا “زاد المعادا” نبشتگ: هور گوں عاشورائَے روچا، یک روچے پیسر چه آئیا و یا یک روچے رند چه آئیا هم روچگ بگیرت انت.

 گوں عاشورائَے روچگ بیگا کجام گناه پهل کنَگَ بنت؟

مراد چه اے گناهانی معاف بیگا، گونڈیں گناه اَنت و په ٹوهیں گناهانی معاف بیگا باید انت توبه و استغفار کنگ ببیت.

فارسی ردانک نبیس: عبدالستار حسين‌بر
بلوچی رجانک: هَمُنْتِیْ