سنت آنلاین

قُلْ ھُوَاللّٰہُ اَحَد{۱} اَللّٰہُ الصَّمَدُ{۲} لَمْ یَلِدْ وَ لَمْ یُوْلَد{۳} وَ لَمْ یَکُن لَّہ کُفُواً اَحَد{۴}
رجانک: ( اُ محمدصلی الله علیه و سلم) بگوش اللہ یکے اِنت و بَس{۱} اللہ بے نیازے اِنت (پہ ھچ کَسا نیازے نداریت){۲} چہ ھچ کسے پیداگ نَبوتَگ و ھچ کسے چہ آئیا ھم پیداگ نبوتَگ{۳} و آئیا ھچ مَٹّے نیست{۴}
اے سورہ” توحید”ھم گوشَگَ بیت اے سورہ چہ قرآنَے گونڈتریں سورہ یان اِنت اے سورہَے گیشوارَے بابتا کمّے دلگوش بکن اِت:
اے سورہ مکّہَے سَر ڈَگارا ایر آتکَگ.
امام احمد رحمه الله، ترمذی و ابن جریر چہ اُبی بن کعب روایت کَنَنت: کہ مُشرکاں رسول الله صلی الله علیه و سلمَے گورا آتکَنت و گوشت اِش: وتی پَروردگارَے پجّارا گوں ما بِکَن؟ رسول الله صلی الله علیه و سلم آیانی پسوا نداتَنت داں الله پاکا اے سُورتا ایر آرت.
پچے اے سورہ “سورہ توحید” گوشَگَ بیت؟
اے سورہ چہ انسانَے باور و َمَنّا(عقیدھا) گَپَّ کَنت و چہ اسلامَے شریعتا تران کَنت اے بابتا “توحید” گوشَگَ بیت ، چیا کہ پہ انسانا لازم اِنت دنیایَے توکا توحیدا مُھر بِگریت.
اللہ گوشیت: {قل ھو اللہ احد} یا رسول اللہ بگوش: اے کسے کہ تو چہ اللہ نشاناں سُوج کَنَے ! الله یکے بَس! ھر جاہ ببیت ھم یکے کوھا ببیت و یا کہ گریشَگَے توکا.
{اللہ الصمد} و اللہ ھما اِنت کہ کسی چمدار نَھِنت. ابن عباس{صمد ءِ} گیشوارا اے پَیم کَنت: کہ لَس مخلوق آئی  چمداراَنت؛ مورے ببیت یا جِنّ و انسان بِبَنت.
{لَم یلِد و لَم یُولَد} چہ پَروردِگارا ھِچ چُکّے پیداگ نَبوتَگ و ھم نبیت و آ ھم چہ ھچ مات و پِتے پیداگ نبوتَگ. اے آیتَے تھا مُشرکان و یھود و عیسائیانی دروغ و بُھتام رَد کَنَگ بَنت؛ چیا مُشرکانی باور اے بوتَگ: کہ فرشتگاں اللہ پاکَے دُتَّگ اَنت و یھودیان گوشَنت: کہ عُزیراللہ پاکَے چُکّ اِنت و عیسائیاں گوشَنت: کہ مِھتر عیسی اللہ چُکّ اِنت؛ اللہ آیانی دروغاں رد کَنت.
خلاصہ اِش اِنت: کہ اللہ شما را و چہ شما پیشیگناں درائینان اَڈّ کُرتَگ و پہ چیزانے کہ شما را نیاز بوتَگ و چیزانے کہ شمئے فایدَگ ماں آیانِ اِنت پہ شما تیاری کُرتَگَنت و اے بَلّ و ھمتایے کہ شما آیانا گوں اللہ پاکا ھور زان اِت چہ شُمئے نادانی اِنت.
سورتَے فضیلت:
رسول اللہ صلی الله علیه و سلم گوشتَگ: کہ اے سورت قرآنَے سَیَک اِنت.
سرچمگ: تفسیر منیر

✍️عبدالحکیم دامنی مشفق