سنت آنلاین

۱-ماں نمازا گپ کَنَگ تُری کہ پہ بے خیالی ببیت یا کہ ماں وابا ببیت نمازا پروشیت.
۲-ماں نمازا چُشیں چیزے لوٹَگ کہ آئی لوٹگ و طلب چہ بَندَگاں بوت کَنت .
۳-ماں نمازا آہ و نالہ کَنَگ و پہ مشکل و نگیگی یے کہ پیش آتکگ تُرُندیں گریوگ،‌ بلے چہ جھنم و بھشتَے یاد کَنَگ و گریوگا نماز نپرُشیت.
۴-بے عُذرا گُٹَّے شاکارَگ و صاف کَنَگ.
۵-چِشّوکَے پَسوا پہ “یَرْحَمَکَ اللّٰہ” دَیَگ، یا وشّیں خبرَے پَسوا “الحمدُللّہ” گوشَگ و بَدیں خبرَے پسوا “اِنّا لِلّٰہ ئے” وانَگ و اجِکّہ ئیں خبرَے پَسّوا “سُبحان اللہ ئے” گوشَگ یا “لاحَول و لاقُوَّۃ” ئے وانَگ نمازا پروشیت.
۶-و اگہ ماں نمازَے قرائتَے وانَگَے وھدا بَید وتی اماما دگہ امامے ردی و اشتباھا بِگیرت نماز وانوکَے نماز پرشیت،‌ بلے اگہ وتی جندَے امامَے اشتباھا بِگریت نمازی نَپُرُشیت.
۷-ماں نمازا پہ کَست “سلام علیک ” کَنَگ نمازا پروشیت و اگہ پہ بے خیالی ببیت نماز نَپرُشیت.
۸- قرآنَے پَچ کَنَگ و چہ آئیا وانَگ.
۹-چیزے ورَگ یا کہ چیزے نُوشَگ ماں نمازا.
۱۰-ٹُوھیں کارَے کَنَگ ماں نمازا.
دلگوش: ٹُوھیں کارَے بزانت اش اِنت: کہ آ کار گوں دو دستا کَنَگ ببیت و لھتے گوشیت: کہ ھما انت کہ گِندوک پَکّا ھَیال بِکنت کہ اے کارانی کَنوک ماں نمازا نَھِنت و لھتے گوشیت: ھمااِنت کہ کارَے کنوک وت آ کارا باز بزانت.
۱۱- اگہ نجاست و پلیتی یے سرا سُجدہ بِکَنت نماز پُرُشیت.
۱۲-وراکے کہ ماں دنتانانی شَمَگا مَنتَگ پہ زبانا آئی دَر کَنَگ و وَرَگ اگہ چِنیَے اندازَگا ببیت نماز پُرُشیت و اگہ کمتر ببیت نماز نَپُرُشیت.
دلگوش: اگہ نبشتگیں چیزے چارتی و آئی بزانتا سرپَد بوت نمازی نَپُرُشیت. اگہ زمین یا ڈِپَّگے سرا نماز وانیت و چہ آئی دیما کسے رد ببیت نماز نپرشیت تری کہ رد بَیوک جنیں آدمے ببیت یا کہ دلوتے ببیت چُش کہ کچک و اولاکا و اگہ رد بَیوک عاقلے ببیت گُنَھگار بیت بلے اگہ ڈّپَّگ ھنچو بُرز ببیت کہ ردبَیوکَے سر برابر گوں نماز وانوکَے پاداں برسیت آ وھدی ردبَیوک گُنَھگار نَبیت.

سرچمگ: بلوچی فقه