سنت آنلاین

واجه مولانا سید عبدالحکیم سیدزاده، عین العلوم گُشتَے معاونت آموزشیا که مرچی (۱ اسفند ۱۳۹۹) کُنار بَستَے (کُناربست سراوانا انت) دینی وانگجاهَے قرآن مجیدَے حافظانی مزن دارگَے مراگشَے خاصیں مهمان اَت، ماں اے کَلَّگَے آدینگَے خطبه یانی توکا گوں اشاره په توهینانی که همے هنوں په واجه حضرت شیخ الإسلام مولانا عبدالحمید – حفظه‌الله- جَنَگ بیتَگنت، چه اے مزنیں کسا بلوچستان و اهل سنتَے تاج یاد کُت و بلکیں اے واجهَے درائیں جهانَے مسلمانانی فخر زانت و گوشتی: بیشک واجه شیخ الإسلام یکے چه الله پاکَے مزن تریں دوستان انت؛ إن شاء الله، مئی هیال و گمان همش انت، وَاللهُ حَسِیبُهُ وَلَا نُزَکِّی عَلَى اللهِ أَحداً.

همے بابتا پیامبر صلى الله علیه وسلم گوشیت: «مَن عَادىٰ لِي وَلِيّاً فَقَدْ آذَنْتُهُ بِالحَرْبِ»؛ هر کسے وتا گوں منی دوستاں بگیرت، من گوں آئیا جنگ کناں.
اے بابتا په اے انسانانی بزگیا همے اندازه بس انت که وتا را گوں الله پاکا طرف اِش کُتگ و الله تعالىٰ وت آیاں ذلیل و وار کنت و الله تعالىٰ هر روچ عالمانی عزتا، و واجه شیخ الإسلام و حقیں عالمانی عزّتا گیش کنت.