ودی بوتِن و درسَے وانَگ قاضی عبدالصمد سربازی سالء ۱۳۲۳ ہـ.ق. ماں مکراں سربازَے دپکور اودی بوتگ. آئی بوھیریں پتَے نام عبدالنبی أت کہ آئی دو سانگ کتگ، واجہ قاضی چہ دومی لوگ بانک بی بی ہاجرہَے لاپا ودی بوتگ. انیگہ کسان أت کہ چہ پتَے ساہگا بے بہر بوت. قاضی اولی بنداتے زانت و […]


ودی بوتِن و درسَے وانَگ

قاضی عبدالصمد سربازی سالء ۱۳۲۳ ہـ.ق. ماں مکراں سربازَے دپکور اودی بوتگ. آئی بوھیریں پتَے نام عبدالنبی أت کہ آئی دو سانگ کتگ، واجہ قاضی چہ دومی لوگ بانک بی بی ہاجرہَے لاپا ودی بوتگ. انیگہ کسان أت کہ چہ پتَے ساہگا بے بہر بوت. قاضی اولی بنداتے زانت و زانتیا ماں سربازا ونت. پہ گیشتریں زانت و زانتَے حاصل کنگا پہ کراچی شت و پہ گیشین زانتَے در برگا ماں دہلیا شُت. علمَے در برگا رند پہ کراچی واتر بوت.ماں احرار الاسلامَے دینی  زانت جاہا پہ دینی درس و سبق دیگا گلائیش بوت.

قاضی صاحب مزنیں شاعرے بیتگ

قاضی عبدالصمد سربازی نہ ایوکا وتی دورا مسترین مفتی و منصبِ قضا و درس دیگا أت بلکیں آ دورا ہم نامداریں شاعرے ہستت و دیوان سربازی آئی شعرانی عربی، فارسی و بلوچی تہا إنت کہ آئی وشیں چُک واجہ عبدالستار عارف واجہَے مرگا رند رد و بند و چاپ و شنگی کرتگ.

قاضی عبدالصمدَ سیادی گوں گُشتیاں

واجہَے پت عبدالنبی اِنت و آیی رشتہ داری چوشنت کہ: آیی پت عبدالنبی بن ملا عبدالجلیل بن ملا کمال الدین گُشتی إنت. ملا کمال الدین مہ گُشتَے سراوانا بوتگ و یک ہنگام آپ چہ گشتی کہن پہ کمال الدینَے نامِنت.

اولیگین جماعت تبلیغی کہ  ایرانا یہت، واجہ سربازی یاورت و واجہ شیخ الحدیث رحمہ اللہ گوشتگ: وہدے کہ گُشت یہت اَنت منی لوگا یہت اَنت و یکے شہ گُشتَے کماشیں مردمان ہم منی لوگا نشتگت، آیی دیم کرت و گوشتی: واجہ تو گشتی یے یا سربازی؟ گوشتی: من گشتیون و ملا کمال الدین ہنگام تی پت إنت یا منی پت؟!

مروچی ہما کماش و سروکان گشتَے آئی جماعتا گوں ہمراہ بوتگنت کہ ملا خدابخش و حاجی کمال خان ہنگت جماعتا روگنت و آئی تُروزہت بی بی پری کہ منی بلّوک إنت، من آئیا جست کرت، گوشتی: کہ بلہ آئی ہم ماں گشت و ہم ماں شستون منی لوگا یہتگ و من آئی پُچانا ششتگَنت!

خان قلاتَے قاضی و واجَھَے نبشتگیں کتاب

واجہ قاضی کہ علم و زانتی مہ قضاوت و صلح و تران سک بازت خان قلاتَے میر احمد یارخان کہ چہ آیی علم و زانتا اشکُتگت آئیا خان قلاتَے قاضی نادینت و یکے دگہ چہ واجہَے کاران قرآن مجید  بلوچی رجانک اِنت.

وہدے کہ آیی قدرت ریاست و مستری نامینگ بوت، گڈا رجانگَے کار مہتل بوت و واجہَے کتاب تاریخ بلوچستان ہم در پسّہ عنقا نبشتہ کَنَگ بوتَگ کہ منی دلا تہنا کتابی إنت کہ علمی پٹ و لوٹ نبشتہ إنت کہ یک واجہ بلوچے آئرا گو بازیں جہد و تلاشاں ہم گرنچ کتگ کہ درستیں وانوکانا پہ آئی وانگا سوگہ کنان.

قاضی صاحبَے وفات

واجہ قاضی سال ۱۳۹۶ ہـ.ق. ماں خضدار وفات و چہ اے دنیایا گستا بوت. آئی ‌روح گَل و شاد ببیت۔  اے چند بند شعر پہ درورا من پہ شما یاورتہ، امید إنت کہ شما وت آئی دیوان شعرا ودی بکنیت و وتی بوانِت.

ڈاہی یَے دینا ہر کسی جانبدارا بیت

خالق عالم چائیا  ‌وت بیزارا بیت

ہر کسے اے کشکا بروت بے شک گارا بیت

إچ خداوندَے گندگا بے دیدارا بیت

قیامتَے روچا جاہی مہ قہرِ نارا بیت

الغرض آ جاہا سزا وار و خوارا بیت

دیوان سربازی

 محمد رفیع حسین بر