سنت آنلاین

واجهَے پیداگ بیگ و تحصیل کنگ:
واجه مولانا مفتي خالد دهواري واجه حمزهَے چُک انت، ۱۳۲۵ ءِ سالا ماں سراوانا پیداگ بوتگ. دولتي درساں داں دیپلما رندگیرے کنت، و دو گُڈیگیں سالی ماں بمپوری دانشسراي کشاورزيا، ماں ايرانشهرا ونتگ.
ماں ۱۳۴۵ءِ سالا، وهدے که ماں دانشسراي کشاورزیا درس وانگت، واجهَے پجاری گوں واجه مولانا عبدالستار بزرگزادها سوب بوت که په دینی علومَے دربرگا واهگدار ببیت و همے واستا برابر گوں واجه مولانا عبدالستارَے سفارشا، په دارالعلوم کراچيا رَوت، و داں ۷ سالا ماں آ علمی مرکزا وانگَے گلائیش بوت و فارغ التحصیل بیت.
همے وڑا داں يک سالیا ماں دارالافتاء والارشاد ناظم‌آبادا، علم فقهَے چه مفتی رشيداحمد لدهيانویا دربُرت و چه مفتی رشیداحمدَے تجربياتا بهره مند بیت.
واجه مفتی خالدَے استاداں:
مفتی خالد دهواریا ماں وتی وانگَے دورانا چه بازیں استادانے سوبمند بوت که لهتے چه آ مزنیں واجهاں اشَنت:
واجه مولانا سحبان محمود، واجه مولانا مفتی محمدتقی عثمانی، واجه مولانا مفتي محمدرفيع عثمانی، واجه قاری رعايت‌الله، واجه مولانا رشيداحمد لدهيانوی و واجه مولانا اکبرعلی سهارنفوری رحمة الله علیهم.
 طريقت:
واجه مولانا دهواری گوں واجه مولانا مفتی رشيداحمد لدهيانويا طریقه‌ی چشتیا بيعت کُت و خلافتَے اجازتی کَٹّ اِت.
واجهَے مسئولیت و هزمتاں:
واجه مولانا دهواری چه فارغ‌التحصيليا پد، گوں واجه مولانا محمد دهقانَے لوٹگا، په درسَے دیگا عين العلوم گشتَے وانگجاها شُت و اودا په هر رنگیں علمَے درس دیگا چُش که فقه و حدیثا و دارالافتاءِ سرمستریا گلائیش بوت، همے پیما دینی جُستانی پسو و جیڑه یانی حل و فصل کنگَے ذمه واری قبول کُتی.
همے ڈول گُشتَے دینی وانگجاهَے امور تربيتی و امور مالي یَے ذمه واری وتی کوپگاں گوں زُرتی.
و ایرانَے مجمع فقه اسلامي یَے باسک ات.
واجه مفتی خالد، جدا چه علمی کار و باراں، وتی مریدانی تربيت و اصلاحا هم گلائیش ات.
واجه مفتی خالدا هم یک وهدے ماں عین العلوم گُشتَے و صَوت الإسلامَے نشریه ءِ توکا، دینی و اسلامی نبشتانک شنگ کنائینت، چه واجها بازیں فتاوای و نبشتانکے یادگار منتگ.
چه واجهَے نبشتگیں کتاباں” کتاب سفر عُمره” یاتمان پشتکپتگ.

واجه مفتی خالد رحمه الله وتی عُمرَے گُڈّیگیں سالاں آسپیچَے امام جمعه بوتگ و امامتَے ذمه وارب زرتگی.
واجهَے وفات:
واجه مولانا خالد دهواری گوں بازیں نادراهیانے که واجها هست اتنت ، آسرا ماں یک شنبهَے روچا ، ۱۱ آبانا ۱۳۹۹ ءِ سالا وفات بوت. رحمه‌الله رحمة واسعة
جاهی گلباگ و
ارواحی آسیدگ ببات

فارسی نبیسوک: مولانا عبدالستار حسین بر
رجانک: هَمُنتِی